टाटा मोटर्सने 20 फेब्रुवारी रोजी आपल्या लोकप्रिय इलेक्ट्रिक मायक्रो-SUV पंच EVचे फेसलिफ्ट मॉडेल भारतात सादर केले. नव्या आवृत्तीत डिझाइन, फीचर्स आणि बॅटरी पर्याय अपडेट करण्यात आले असून, सुरुवातीची किंमत ₹9.69 लाख तर टॉप व्हेरिएंट ₹12.59 लाखांपर्यंत आहे. कंपनीने ही कार स्मार्ट, स्मार्ट+, अॅडव्हेंचर, एम्पावर्ड आणि एम्पावर्ड+ अशा पाच ट्रिममध्ये उपलब्ध केली आहे. नव्या बेस व्हेरिएंटची किंमत जुन्या मॉडेलपेक्षा सुमारे ₹30 हजारांनी कमी आहे. बुकिंग सुरू झाली असून लवकरच डिलिव्हरी सुरू होणार आहे.
डिझाइनमध्ये बदल, नवीन लूक
फेसलिफ्ट मॉडेलमध्ये फ्रंट ग्रिल व लाइट सेटअप बदलण्यात आला आहे. कनेक्टेड LED DRL डिझाइन अपडेट झाले असून नवीन फ्रंट स्कफ प्लेट देण्यात आली आहे. साइड प्रोफाइलमध्ये एरो-ऑप्टिमाइज्ड नवीन अलॉय व्हील्स मिळतात, तर मागील बाजूस कनेक्टेड LED टेललॅम्पचा लूक देण्यात आला आहे. कारमध्ये ‘ब्राइट यलो’सह ड्युअल-टोन ब्लॅक रूफचा पर्यायही उपलब्ध आहे.
इंटिरियरमध्ये टेक्नॉलॉजी आणि कम्फर्ट
केबिनमध्ये 12.3-इंचाची मोठी टचस्क्रीन इन्फोटेनमेंट सिस्टीम, वायरलेस अँड्रॉइड ऑटो व ॲपल कारप्ले सपोर्ट, व्हेंटिलेटेड सीट्स, नवीन अपहोल्स्ट्री आणि इलेक्ट्रिक सनरूफ देण्यात आले आहे. तसेच नवीन टू-स्पोक स्टिअरिंग व्हील आणि इल्युमिनेटेड लोगोही मिळतो.
परफॉर्मन्स आणि रेंज
नवीन पंच EVमध्ये दोन ई-ड्राइव्ह पर्याय उपलब्ध आहेत. ही कार 0 ते 100 किमी/ताशी वेग सुमारे 9.5 सेकंदांत गाठते आणि टॉप स्पीड 140 किमी/ताशी आहे. बॅटरीच्या दोन पर्यायांनुसार एका चार्जमध्ये सुमारे 315 किमी ते 421 किमीपर्यंतची रेंज मिळते. AC चार्जरसह DC फास्ट चार्जिंगचा पर्यायही उपलब्ध आहे.
सुरक्षा फीचर्स
सुरक्षेसाठी कारमध्ये 6 एअरबॅग्स, ABS-EBD, इलेक्ट्रॉनिक स्टॅबिलिटी कंट्रोल आणि 360° कॅमेरा स्टँडर्ड देण्यात आला आहे. याशिवाय रडार-कॅमेरा आधारित ADAS तंत्रज्ञान, ऑटोमॅटिक इमर्जन्सी ब्रेकिंग व लेन-कीप असिस्टसारखी आधुनिक वैशिष्ट्येही मिळू शकतात.
