प्रतिनिधी – मानस, जून २०२६ : हिमालया बेबीकेअरने उन्हाळ्यासाठी नवीन जनजागृती मोहीम सुरू केली असून, उन्हाळ्यात बाळांची योग्य काळजी कशी घ्यावी याबाबत पालकांमध्ये जागरूकता निर्माण करणे हा या उपक्रमाचा मुख्य उद्देश आहे. बाळांच्या आरामदायी आणि सौम्य संगोपनावर भर देणाऱ्या या उपक्रमात प्रथमच उन्हाळी काळजीचा एक सोपा आणि उपयुक्त दिनक्रम सादर करण्यात आला आहे. हा दिनक्रम बाळांना उन्हाळ्यात थंडावा, ताजेपणा आणि आनंद देण्यास मदत करतो.
या मोहिमेचा मुख्य भाग म्हणजे एक मनोरंजक दृकश्राव्य चित्रफीत. या चित्रफितीत बाळे जणू उन्हाळ्याविरोधात आंदोलन करताना दाखवली आहेत. “आम्हाला त्वचेवर पुरळ नकोत” आणि “घामापासून सुटका करा” अशा मागण्या करणारे फलक हातात घेऊन बाळे आपला त्रास व्यक्त करताना दिसतात. उन्हामुळे होणाऱ्या अस्वस्थतेविरोधात बाळांनीच मोर्चा काढल्याचे हे चित्रण अतिशय गोंडस आणि सहज समजणारे आहे.
यानंतर कथानकात सकारात्मक बदल दिसून येतो. हिमालया बेबीकेअरच्या उन्हाळी काळजी दिनक्रमाचा अवलंब केल्यानंतर बाळांची चिडचिड आणि अस्वस्थता कमी होऊन ती अधिक शांत आणि आनंदी झाल्याचे दाखवण्यात आले आहे. हा सौम्य आणि सोपा दिनक्रम बाळांना आरामदायी अनुभव देतो.
या उपक्रमातून आजच्या पालकांना एक महत्त्वाचा संदेश देण्यात आला आहे. उन्हाळ्यात बाळांची नाजूक त्वचा अधिक संवेदनशील बनते, मात्र नियमित आणि योग्य काळजी घेतल्यास अनेक समस्या टाळता येतात. “बाळांना उन्हाळ्यात थंड, ताजे आणि आनंदी ठेवा” या संदेशाद्वारे हिमालया बेबीकेअरने सुरक्षित, विश्वासार्ह आणि परिणामकारक बाळसंगोपन उत्पादने उपलब्ध करून देण्याची आपली बांधिलकी पुन्हा अधोरेखित केली आहे.
याबाबत बोलताना हिमालया वेलनेसचे बाळसंगोपन विभागाचे संचालक चक्रवर्ती एन. व्ही. म्हणाले, “आमचा भर नेहमीच नव्या पिढीतील पालकांच्या बदलत्या गरजा समजून घेऊन त्यानुसार उपाय उपलब्ध करून देण्यावर असतो. आम्ही केवळ उत्पादने देत नाही, तर संपूर्ण आणि उपयुक्त मार्गदर्शनही देण्याचा प्रयत्न करतो. उन्हाळ्यात बाळांना अधिक त्रास होऊ शकतो. त्यामुळे त्यांच्या काळजीसाठी योग्य आणि नियमित दिनक्रम आवश्यक आहे. या उपक्रमाद्वारे आम्ही पालकांना बाळांच्या संगोपनासाठी सोपा, विश्वासार्ह आणि परिणामकारक उन्हाळी काळजी दिनक्रम देत आहोत.”
या चित्रफितीत बाळांसाठीचा सौम्य केस धुण्याचा द्रव, ताजेतवानेपणा देणारा स्नानसाबण, सौम्य अंगपावडर आणि सूर्यकिरणांपासून संरक्षण देणारे त्वचारक्षक लोशन यांसारख्या उत्पादनांचा समावेश करण्यात आला आहे. ही उत्पादने कडुनिंब, वाळा, टरबूज आणि जास्वंद यांसारख्या नैसर्गिक घटकांपासून तयार करण्यात आली असून, ती बाळांच्या त्वचेसाठी सौम्य आणि सुरक्षित मानली जातात.
ही मोहीम विविध डिजिटल माध्यमे आणि समाजमाध्यमांवर व्यापक स्वरूपात राबविण्यात येणार आहे. तसेच देशातील विविध भागांत स्थानिक पातळीवर विशेष उपक्रम आयोजित करून तरुण पालकांपर्यंत हा संदेश पोहोचविण्यात येणार आहे.
तमिळ, कन्नड, तेलुगू, मल्याळम, मराठी, बंगाली, ओडिया, आसामी आणि इंग्रजीसह अनेक भाषांमध्ये ही मोहीम सादर केली जाणार असल्याने ती अधिकाधिक कुटुंबांपर्यंत पोहोचणार आहे.
या उपक्रमाद्वारे हिमालया बेबीकेअरने पालकांचा विश्वास संपादन करणारा साथीदार म्हणून आपली ओळख अधिक दृढ केली असून, बाळांच्या उन्हाळ्यातील बदलत्या गरजा लक्षात घेऊन सोपा, सर्वसमावेशक आणि विचारपूर्वक काळजी दिनक्रम उपलब्ध करून देण्याचा प्रयत्न केला आहे.
