अभिनेत्री Swara Bhaskar यांची आई आणि चित्रपट अभ्यासक Ira Bhaskar यांनी केलेल्या वक्तव्यामुळे सध्या चर्चेला उधाण आले आहे. समकालीन भारतीय चित्रपटसृष्टीतील राजकारणावर बोलताना त्यांनी दिग्दर्शक Aditya Dhar यांच्या Dhurandhar या चित्रपटावर टीका केली. या चित्रपटात मुस्लिम आणि पाकिस्तानी पात्रांना अत्यंत हिंसक स्वरूपात दाखवले जात असल्याचा आरोप त्यांनी केला.
एका मुलाखतीत बोलताना इरा भास्कर म्हणाल्या की, “धुरंधर हा सिनेमा बॉक्स ऑफिसवर मोठी कमाई करत असला तरी त्यातील मांडणी वादग्रस्त आहे. चित्रपटात असा संदेश दिला जातो की मुस्लिम लोक खूप हिंसक असतात आणि पाकिस्तान हा हिंसक देश आहे. तिथे सामान्य मुस्लिम दाखवले जात नाहीत; बहुतांश पात्रे दहशतवादी किंवा गँगस्टर म्हणूनच दाखवली जातात.”
त्यांनी पुढे सांगितले की, हा चित्रपट कथितपणे सत्य घटनांवर आधारित असल्याचे सांगितले जात असले तरी प्रत्यक्षात कथा निवडक पद्धतीने मांडून विशिष्ट विचारसरणीला प्रोत्साहन दिले जाते. अशा प्रकारची मांडणी समाजात ठरावीक प्रतिमा निर्माण करण्यास कारणीभूत ठरू शकते, असेही त्यांनी नमूद केले.
दरम्यान, धुरंधर चित्रपटानंतर आता Dhurandhar 2 या सिक्वेलची चर्चा जोरात सुरू आहे. चित्रपटाबाबत प्रेक्षकांमध्ये उत्सुकता वाढत असून लवकरच तो प्रदर्शित होणार असल्याची चर्चा आहे.
मिळालेल्या माहितीनुसार, दिग्दर्शक आदित्य धर यांची पत्नी आणि अभिनेत्री Yami Gautam या चित्रपटात कॅमिओ भूमिकेत दिसणार आहेत. तसेच चित्रपटात आणखी एका विशेष कॅमिओची योजना निर्मात्यांकडून केली जात असल्याचेही काही अहवालांमध्ये सांगितले जात आहे.
