Shivsena Leader Firing : पुण्यात एक खळबळजनक घटना घडली आहे. शिवसेनेच्या युवासेना जिल्हाप्रमुख निलेश राजेंद्र घारे यांच्या वाहनावर गोळीबार झाला आहे. सोमवारी मध्यरात्री हा प्रकार घडला आहे. वारजे माळवाडी इथं हा प्रकार घडला.
निलेश राजेंद्र घारे हे आपल्या घरी निघाले होते. दरम्यान, ते वारजे माळवाडी इथल्या गणपती माथा येथील आपल्या जनसंपर्क कार्यालयात आले यावेळी त्यांच्यासोबत त्यांचे सहकारी देखील होते. कार पार्क केल्यानंतर त्यांच्या कारच्या मागच्या दरवाजाच्या काचेवर दुचाकीवरुन आलेल्या दोघा अज्ञात हल्लेखोरांनी गोळीबार केला. गोळीबारानंतर हल्लेखोर तात्काळ फरार झाले. वारजे पोलीस या घटनेचा तपास करत आहेत.
निलेश घारे हे शिंदेंच्या शिवसेनेच्या युवासेना जिल्हाप्रमुख आहेत. या हल्ल्यामध्ये त्यांना कुठल्याही स्वरुपाची हानी झालेली नाही, ते सुखरुप आहेत अशी माहिती सुत्रांकडून कळते.
Shaniwar Wada Horror Story : “काका मला वाचवा” या आवाजामागील खरी कहाणी काय आहे?
