पुणे, २७ एप्रिल २०२६ : OPPO India ने भारतात आपली नवी ओप्पो एफ ३३ सिरीज सादर केली असून यामध्ये ओप्पो एफ ३३ प्रो ५जी आणि ओप्पो एफ ३३ ५जी या दोन स्मार्टफोनचा समावेश आहे. एफ सिरीजमधील ही आतापर्यंतची सर्वात मोठी प्रगती मानली जात असून, प्रगत कॅमेरा, मजबूत टिकाऊपणा आणि दीर्घकाळ टिकणारी बॅटरी ही या मालिकेची वैशिष्ट्ये आहेत.
कंपनीच्या माहितीनुसार, या सिरीजमध्ये ५० मेगापिक्सेल अल्ट्रा-वाइड सेल्फी कॅमेरा, आयपी६९के दर्जाचा टिकाऊपणा, ७००० एमएएच क्षमतेची मोठी बॅटरी, ColorOS 16 आधारित प्रणाली आणि प्रगत ५जी कनेक्टिव्हिटी देण्यात आली आहे.
लाँचप्रसंगी कंपनीचे कम्युनिकेशन्स प्रमुख Goldie Patnaik म्हणाले की, “एफ सिरीजने भारतात ‘ड्युरेबल चॅम्पियन’ म्हणून आपली वेगळी ओळख निर्माण केली आहे. एफ ३३ सिरीज ही परंपरा पुढे नेत अत्याधुनिक एआय फोटोग्राफी आणि उत्कृष्ट सेल्फी अनुभव देणारी ठरणार आहे.”
कॅमेरा आणि एआय वैशिष्ट्ये
एफ ३३ सिरीजमध्ये प्रगत एआय तंत्रज्ञानावर आधारित अनेक फिचर्स देण्यात आले आहेत. यामध्ये एआय रिकॉम्पोज, एआय परफेक्ट शॉट, एआय लाईव्ह २.०, एआय बेस्ट फेस, एआय अनब्लर, एआय स्टुडिओ, एआय रिफ्लेक्शन रिमुव्हर आणि एआय इरेझर यांचा समावेश आहे. या सुविधांमुळे वापरकर्त्यांना फोटो सहज संपादित करून आकर्षक बनवता येतात.
डिझाइन आणि डिस्प्ले
या सिरीजमध्ये ‘वन-पिस कोल्ड कार्विंग’ डिझाइन वापरण्यात आले आहे, ज्यामुळे फोनला आकर्षक आणि प्रीमियम लूक मिळतो. ६.५७ इंचाचा फ्लॅट अॅमोलेड डिस्प्ले, १२० हर्ट्झ रिफ्रेश रेट, १४०० निट्स ब्राइटनेस आणि अतिशय बारीक बेजल्स ही या स्क्रीनची प्रमुख वैशिष्ट्ये आहेत.
एफ ३३ प्रो ५जी हा फोन मिस्टी फॉरेस्ट, पॅशन रेड आणि स्टारी ब्ल्यू या रंगांमध्ये उपलब्ध आहे, तर एफ ३३ ५जी पर्ल व्हाईट आणि फॉरेस्ट ग्रीन रंगांमध्ये मिळणार आहे.
किंमत आणि उपलब्धता
- ओप्पो एफ ३३ प्रो ५जी
- ८ जीबी + २५६ जीबी : ₹४०,९९९
- ८ जीबी + १२८ जीबी : ₹३७,९९९
- ओप्पो एफ ३३ ५जी
- ८ जीबी + २५६ जीबी : ₹३७,९९९
- ८ जीबी + १२८ जीबी : ₹३४,९९९
- ६ जीबी + १२८ जीबी : ₹३१,९९९
ऑफर्स आणि फायदे
ग्राहकांना प्री-बुकिंग व पहिल्या दिवशी खरेदीवर बँक सवलती, एक्सचेंज बोनस, तसेच १० टक्क्यांपर्यंत कॅशबॅक मिळणार आहे. याशिवाय ६ महिन्यांपर्यंत विनाव्याज हप्ते, शून्य डाउन पेमेंट सुविधा आणि १८० दिवसांचे अपघाती, द्रव व स्क्रीन नुकसान संरक्षण दिले जाणार आहे.
अतिरिक्त वैशिष्ट्ये
ओप्पोने या सिरीजमध्ये ७२ महिन्यांची फ्ल्युएन्सी प्रोटेक्शन प्रणाली दिली असून, दीर्घकाळ उत्तम कार्यक्षमता टिकून राहते. तसेच एआय डॉक्युमेंट स्कॅनर, एआय रेकॉर्डर, एआय रायटर आणि Google Gemini सोबतचे सखोल एकत्रीकरण यामुळे वापर अधिक सोपा आणि स्मार्ट बनतो.
एकूणच, ओप्पो एफ ३३ सिरीज ही आकर्षक डिझाइन, प्रगत एआय कॅमेरा आणि दमदार बॅटरीसह मध्यम-उच्च श्रेणीतील स्मार्टफोन बाजारात नवा पर्याय म्हणून समोर आली आहे.
