पुणे, मे, २०२६: डी. वाय. पाटील आंतरराष्ट्रीय विद्यापीठ (DYPIU) ने आपल्या कॅम्पसमध्ये अत्याधुनिक डिजिटल इंजिनिअरिंग आणि डिजिटल मॅन्युफॅक्चरिंग अनुभव केंद्र स्थापन करण्यासाठी डसॉल्ट सिस्टिम्स सोबत सामंजस्य करार (MoU) केला आहे. या उपक्रमाचा उद्देश उद्योग आणि शिक्षण क्षेत्रातील सहकार्य अधिक बळकट करणे तसेच बदलत्या औद्योगिक गरजांनुसार विद्यार्थ्यांच्या रोजगारक्षमतेत वाढ करणे हा आहे.
डसॉल्ट सिस्टिम्सच्या सहकार्याने विकसित होणारे हे अनुभव केंद्र DYPIU च्या स्मार्ट मॅन्युफॅक्चरिंग अभ्यासक्रमात अत्याधुनिक डिजिटल तंत्रज्ञानाचा समावेश करेल. यामुळे विद्यार्थ्यांना पुढील पिढीतील अभियांत्रिकी आणि उत्पादन प्रक्रियेबाबत सैद्धांतिक ज्ञानासोबतच प्रत्यक्ष अनुभवही मिळणार आहे. महाराष्ट्रातील अशा प्रकारच्या पहिल्या उपक्रमांपैकी हा एक असून, उद्योगसज्ज मनुष्यबळ निर्माण करण्यासोबतच प्रगत उत्पादन क्षेत्रातील संशोधन आणि नवकल्पनांना चालना देण्याचा यामागील उद्देश आहे.
या केंद्रात नेक्स्टजन प्रॉडक्ट इनोव्हेशन लॅब, इंटेलिजंट प्रॉडक्शन सिस्टम लॅब आणि व्हर्च्युअल ट्विन व सिम्युलेशन लॅब अशा अत्याधुनिक सुविधा उपलब्ध असतील. विद्यार्थ्यांना व्हर्च्युअल ट्विन्स, जनरेटिव्ह डिझाइन, मल्टी-फिजिक्स सिम्युलेशन आणि डिजिटल मॅन्युफॅक्चरिंग सिस्टिम्स यांसारख्या आधुनिक तंत्रज्ञानाचा अनुभव घेता येईल.
या सहकार्यांतर्गत विद्यार्थ्यांना लाईव्ह प्रोजेक्ट्स, प्रमाणपत्र अभ्यासक्रम, इंटर्नशिप्स आणि उद्योग तज्ज्ञांशी संवाद यांचा लाभ मिळणार आहे. तसेच प्राध्यापक विकास आणि अभ्यासक्रम उन्नतीसाठीही हे सहकार्य महत्त्वपूर्ण ठरणार असून जागतिक औद्योगिक मानकांशी सुसंगत अभ्यासक्रम विकसित करण्यात मदत होणार आहे. याशिवाय, प्रगत डिजिटल मॅन्युफॅक्चरिंग प्रक्रियांमध्ये प्राध्यापकांना प्रावीण्य मिळावे यासाठी तीन वर्षांचा “ट्रेनिंग ऑफ ट्रेनर्स” (ToT) कार्यक्रम राबविण्याचीही योजना आहे.
“DYPIU सोबत अनुभव केंद्र स्थापनेचे हे सहकार्य शैक्षणिक शिक्षण आणि प्रत्यक्ष औद्योगिक उपयोग यांतील दरी कमी करण्याच्या दिशेने एक महत्त्वपूर्ण पाऊल आहे. 3DEXPERIENCE प्लॅटफॉर्म आणि व्हर्च्युअल ट्विन तंत्रज्ञानाच्या माध्यमातून ‘मेक इन इंडिया’ आणि इंडस्ट्री 4.0 च्या गरजांशी सुसंगत नवोन्मेषक परिसंस्था निर्माण करण्याचा आमचा प्रयत्न आहे,”
असे डसॉल्ट सिस्टिम्स इंडियाचे व्यवस्थापकीय संचालक दीपक एनजी यांनी सांगितले.
DYPIU चे कुलगुरू प्रा. (डॉ.) मनीष भल्ला म्हणाले, “हे सहकार्य DYPIU च्या प्रगतीच्या प्रवासातील एक महत्त्वपूर्ण पाऊल आहे. डसॉल्ट सिस्टिम्सच्या सहकार्याने DYPIU मध्ये स्थापन होणारे हे अनुभव केंद्र महाराष्ट्रातील स्मार्ट मॅन्युफॅक्चरिंग क्षेत्रातील अशा प्रकारच्या पहिल्या केंद्रांपैकी एक असेल. यामुळे अनुभवाधारित शिक्षणाची मजबूत परिसंस्था निर्माण होईल, जिथे विद्यार्थी प्रत्यक्ष औद्योगिक समस्यांवर काम करत प्रभावी तंत्रज्ञान हस्तांतरण प्रक्रियेत सहभागी होतील. हा उपक्रम आमच्या विद्यार्थ्यांना आणि प्राध्यापकांना नवोन्मेष करण्यास, अत्याधुनिक तंत्रज्ञानासोबत कार्य करण्यास आणि खऱ्या अर्थाने भविष्याभिमुख अभियंते म्हणून विकसित होण्यास सक्षम करेल.
डी. वाय. पाटील आंतरराष्ट्रीय विद्यापीठ (DYPIU), आकुर्डी, पुणे विषयी
नवोन्मेष, उद्योग-सहभाग आणि भविष्याभिमुख शिक्षणाच्या माध्यमातून उच्च शिक्षणाची नव्याने व्याख्या करण्याच्या दृष्टीकोनातून स्थापन झालेले D Y Patil International University हे एक बहुविषयक विद्यापीठ आहे. अनुभवाधारित, संशोधनकेंद्रित आणि तंत्रज्ञान-सक्षम शिक्षण देण्यास विद्यापीठ कटिबद्ध आहे. अनेक दशकांची शिक्षण, आरोग्यसेवा आणि सामाजिक विकास क्षेत्रातील समृद्ध परंपरा लाभलेल्या D Y Patil Group च्या भक्कम वारशावर आधारित DYPIU शैक्षणिक नवोन्मेष आणि राष्ट्रनिर्मितीची परंपरा पुढे नेत आहे. अभियांत्रिकी, व्यवस्थापन, डिझाइन, जैवतंत्रज्ञान, मीडिया, लिबरल आर्ट्स आणि उदयोन्मुख तंत्रज्ञान अशा विविध क्षेत्रांमध्ये विद्यापीठ अभ्यासक्रम उपलब्ध करून देते. उद्योग सहकार्य, जागतिक संधी, उद्योजकता आणि कौशल्यविकास यांवर विशेष भर देत अत्याधुनिक पायाभूत सुविधा, नवोन्मेष केंद्रे आणि अग्रगण्य उद्योगांसोबतच्या भागीदारीद्वारे DYPIU विद्यार्थ्यांना कुशल व्यावसायिक, नवोन्मेषक आणि जबाबदार जागतिक नागरिक म्हणून घडवत आहे.
संपर्क: enquiry@dypiu.ac.in | 8600091180 | www.dypiu.ac.in
