पुणे, मार्च २०२६ : भारतातील संशोधन-विकास आधारित वेगाने वाढणारी इलेक्ट्रिक मोटरसायकल उत्पादक कंपनी ओबेन इलेक्ट्रिकने गुढी पाडव्याच्या पार्श्वभूमीवर आपल्या फ्लॅगशिप इलेक्ट्रिक मोटरसायकल **‘रॉर ईझी सिग्मा’**वर विशेष उत्सवी ऑफर जाहीर केली आहे. मार्च महिन्याच्या अखेरपर्यंत मर्यादित कालावधीसाठी उपलब्ध असलेली ही ऑफर ग्राहकांना स्मार्ट, उच्च कार्यक्षम आणि शाश्वत मोबिलिटीचा पर्याय निवडण्यास प्रोत्साहन देण्यासाठी सादर करण्यात आली आहे.
या ऑफरअंतर्गत ग्राहकांना एकूण ३७,००० रुपयांपर्यंतचे लाभ मिळू शकतात. ‘रॉर ईझी सिग्मा’ ही मोटरसायकल आता १,०९,९९९ रुपयांपासून उपलब्ध आहे. यासोबतच ग्राहकांना ५ वर्षे किंवा ६०,००० किमीपर्यंतची विस्तारित वॉरंटी आणि अनलिमिटेड डेटा सहित १ वर्षाची मोफत ओबेन कनेक्ट अॅप सबस्क्रिप्शन दिली जाणार आहे. प्रगत तंत्रज्ञान, किफायतशीर किंमत आणि उत्तम मालकी मूल्य यांचा संगम साधत इलेक्ट्रिक मोबिलिटीचा स्वीकार वाढवण्याचा कंपनीचा प्रयत्न आहे.
ओबेन इलेक्ट्रिकने देशभरातील आपले रिटेल आणि सर्व्हिस नेटवर्क सातत्याने विस्तारले असून सध्या कंपनी १८ राज्यांतील ८० पेक्षा अधिक शहरांमध्ये ९० पेक्षा अधिक शोरूम्स चालवते. तसेच कंपनीची उत्पादने अॅमेझॉन आणि फ्लिपकार्टसारख्या ई-कॉमर्स प्लॅटफॉर्मवरही उपलब्ध आहेत. आगामी काळात नेटवर्क विस्तार आणि उत्पादन क्षमता वाढवण्यावर कंपनीचा भर राहणार असल्याचे सांगण्यात आले.
