पुणे १७ ऑक्टोबर : जागतिक तंत्रज्ञान क्षेत्रातील अग्रगण्य कंपनी शाओमीने भारतातील प्रमुख शहरांमध्ये १० प्रीमियम सर्व्हिस सेंटर्स सुरू करण्याची घोषणा केली. या उपक्रमाद्वारे कंपनीने ग्राहकसेवा आणि अनुभवाच्या क्षेत्रात एक नवा आणि उच्च दर्जा प्रस्थापित केला आहे.ही केंद्रे बंगळुरू, हैदराबाद, कोची, चेन्नई, कोलकाता, दिल्ली, जयपूर, मुंबई, पुणे आणि अहमदाबाद येथे उघडली जात आहेत.
शाओमीच्या “ग्राहक प्रथम” या धोरणाचा हा भाग असून, उत्कृष्ट सेवा मानके आणि सर्वसमावेशक उत्पादनमालक अनुभव देण्यावर भर दिला जात आहे. या माध्यमातून भारतातील उपस्थिती अधिक बळकट करण्यासोबतच शाओमीने १०० प्रीमियम सर्व्हिस सेंटर्सपर्यंत विस्तार करण्याचे उद्दिष्ट ठेवले असून, त्यामुळे देशभरातील प्रत्येक पिनकोडला सेवा उपलब्ध होणार आहे.
शाओमी इंडियाचे चीफ ऑपरेटिंग ऑफिसर श्री सुधीन माथुर म्हणाले,“शाओमीमध्ये आमचे उद्दिष्ट फक्त उत्पादने विकणे नाही, तर आमच्यावर विश्वास ठेवणाऱ्या लोकांशी दीर्घकालीन नाते बांधणे आहे. हे प्रीमियम सर्व्हिस सेंटर्स लाँच करणे म्हणजे त्या नात्याला अधिक घट्ट करण्याचा व भारतातील ग्राहक अनुभवाचे दर्जा उंचावण्याचा आमचा धोरणात्मक टप्पा आहे.” नवीन प्रीमियम सर्व्हिस सेंटर्स पारंपरिक “सेल्सनंतरची सेवा” यापेक्षा पुढे जातात. ग्राहकांच्या प्रत्येक टप्प्यावरचा अनुभव सुधारण्यासाठी शाओमीची ही बांधिलकी आहे. येथे ग्राहकांना स्वागतार्ह वातावरणात जलद आणि अचूक सेवा मिळेल.
या सेंटर्समध्ये २४ तासांच्या आत ९५ टक्के दुरुस्त्या पूर्ण करण्याची क्षमता आहे (सध्याच्या ८९% वरून सुधारणा). हे अत्याधुनिक डायग्नोस्टिक टूल्स, गुणवत्ता तपासणी प्रणाली, आणि तत्काळ स्पेअर पार्ट्स उपलब्धतेने समर्थित आहेत. काउंटरपॉइंट रिसर्चच्या नव्या सर्वेक्षणानुसार, शाओमीला सेवा गतीच्या बाबतीत अग्रगण्य ब्रँडमध्ये स्थान मिळाले आहे, जिथे ५२ टक्के ग्राहकांच्या समस्या चार तासांच्या आत सोडवल्या जातात. दोन तासांपेक्षा जास्त वेळ लागणाऱ्या दुरुस्तीसाठी स्टँडबाय हँडसेट्स उपलब्ध करून अखंड कनेक्टिव्हिटी राखली जाते. शाओमी आपल्या समावेशक आणि आधुनिक कार्यसंस्कृतीसाठीही ओळखली जाते. या सेंटर्समध्ये महिलांना प्रोत्साहन दिले जाते आणि त्या या सेवा केंद्रांच्या नेतृत्वात सक्रिय आहेत.
अशाच एका उपक्रमाचे नाव “शाओमी डेज”असून, तो प्रत्येक बुधवारी आयोजित केला जाणार आहे. या दिवशी ग्राहकांना विशेष सेवा लाभ, मोफत सॉफ्टवेअर अपडेट्स आणि खास सवलती दिल्या जातील. बंगळुरू, हैदराबाद, कोची, कोलकाता, जयपूर आणि चेन्नई येथील केंद्रे आधीच उघडली आहेत, तर मुंबई, पुणे आणि अहमदाबाद येथील केंद्रे आजपासून सुरू होत आहेत. दिल्लीतील उर्वरित केंद्रांचे उद्घाटन पुढील वर्षी केले जाईल
