राष्ट्रीय अन्नसुरक्षा योजनेंतर्गत लाभ घेणाऱ्या बार्देश तालुक्यातील तब्बल १२ हजार रेशनकार्डधारक अपात्र ठरण्याची शक्यता आहे. नागरी पुरवठा विभागीय कार्यालयाने यासाठी नोटिसा पाठवण्यास सुरुवात केली असून, सुनावणी पूर्ण झाल्यानंतर अंतिम निर्णय घेण्यात येणार आहे.
तालुक्यातील आकडेवारी 📊
तालुक्यात सध्या अन्नसुरक्षा योजनेंतर्गत सुमारे ६८ हजार व अंत्योदय योजनेंतर्गत ४,५०० मिळून जवळपास ७२ हजार रेशनकार्डधारक आहेत. त्यापैकी १२ हजार कार्डधारकांना अपात्रतेच्या नोटिसा दिल्या गेल्या आहेत.
पात्रतेचे निकष ✅
-
वार्षिक उत्पन्न ५० हजार रुपयांपर्यंत असणारेच पात्र.
-
अनुसूचित जाती/जमातीसाठी मर्यादा : १ लाख २० हजार रुपये.
-
दिव्यांगांना उत्पन्न निकषातून सूट.
अपात्रतेची प्रमुख कारणे ❌
-
गेल्या ६ महिन्यांत कार्डचा वापर न केलेला.
-
विविध योजनांमध्ये विसंगत उत्पन्न माहिती सादर केलेली.
-
स्वतःच्या नावावर वाहन किंवा मालमत्ता असणे.
रेशनकार्ड रद्द होणार नाही 🔖
अपात्र ठरवले गेले तरी संबंधितांचे रेशनकार्ड रद्द होणार नाही. त्यांना गरीब रेषेवरील रेशनकार्ड देण्यात येणार आहे, असे स्पष्ट करण्यात आले.
केवायसी मोहीम 📌
बार्देश तालुक्यातील सर्व ३३ पंचायतींमध्ये २८ सप्टेंबर रोजी केवायसी मोहीम राबवली जाणार आहे. प्रत्येक कार्डधारकाने पंचायत कार्यालयात जाऊन आपली नोंदणी करून घ्यावी, असे आवाहन विभागीय कार्यालयाकडून करण्यात आले आहे.
