अहमदाबाद विमान दुर्घटना : प्रवाशांची यादी समोर, २३० स्वप्नांचा आभाळात कोसळलेला प्रवास!

अहमदाबाद – एक शांत रात्रीचा आभाळात भरारी घेणारा क्षण, काही मिनिटांतच भयावह अशा घटनेत रूपांतरित झाला. एअर इंडिया बोईंग १७१ हे विमान अहमदाबादच्या आकाशात उड्डाण करताच, काही क्षणांतच काळाच्या कवेत लुप्त झालं. धावपट्टी क्रमांक २३ वरून १.२३ वाजता उड्डाण घेतलेलं हे विमान, अवघ्या १६ मिनिटांत १.३९ वाजता “मे डे” आपत्कालीन संदेश पाठवून शांत झालं.

कॅप्टन सुमीत सभरवाला, ज्यांना तब्बल ८२०० तासांचं उड्डाणाचं अनुभवी कमांडिंग अनुभव होतं, त्यांनी शेवटच्या क्षणापर्यंत विमान वाचवण्याचा प्रयत्न केला. पण दुर्दैवाने, काही क्षणांनी मेघाणीनगर परिसरात विमान कोसळलं.

या विमानात २४२ प्रवासी होते. त्यातील २ वैमानिक, १० क्रू मेंबर्स आणि २३० प्रवासी – १६९ भारतीय, ५१ ब्रिटीश, ७ पोर्तुगीज, १ कॅनेडियन यांचा समावेश होता.
या यादीतील सर्वात हृदयद्रावक बाब म्हणजे २ नवजात बालकं आणि ११ लहानग्यांचाही या प्रवासात समावेश होता.

आज सकाळी प्रशासनाकडून अपघातग्रस्त प्रवाशांची यादी जाहीर करण्यात आली, आणि अनेक घरांमध्ये आशेचा किरण अखेर आक्रोशात रूपांतरित झाला.

या दुर्घटनेनं केवळ अहमदाबाद नव्हे, तर संपूर्ण देश हळहळला आहे. कोणाचं लग्नात जाणं होतं, कोण परदेशातून भारतात पहिल्यांदाच येत होतं, कोणाचं नवं आयुष्य सुरू होणार होतं – सर्वांच्या स्वप्नांचा प्रवास अधुराच राहिला.

हवामान, तांत्रिक बिघाड की मानवी चूक? — या प्रश्नांची उत्तरं अद्याप प्रशासनाच्या तपासात आहेत. पण एका रात्रीने २३० जणांचं भविष्य कायमचं बदलून टाकलं.

🕊️ सर्व प्रवाशांना भावपूर्ण श्रद्धांजली.

हा अपघात नुसताच आकडा नाही, तर प्रत्येक नावा मागे एक हसरा चेहरा, एक आयुष्य, एक कथा दडलेली आहे.