सॅन होझे | मुंबई, मार्च, २०२६: आयटी सेवा, सल्लागार आणि व्यावसायिक समाधान क्षेत्रातील जागतिक आघाडीची कंपनी टाटा कन्सल्टन्सी सर्व्हिसेस (TCS) (BSE: 532540, NSE: TCS) ने आज ‘रॅपिड आउटकम एआय’ लाँच केले. हा एक नवीन एंटरप्राइझ प्लॅटफॉर्म असून तो एनव्हिडियाद्वारे (NVIDIA) संचालित आहे. कंपन्यांना एआय प्रयोगांच्या टप्प्यापासून ते प्रत्यक्ष अंमलबजावणीपर्यंतचा प्रवास अधिक वेगवान करण्यास यामुळे मदत होईल. व्यवसायांच्या विशिष्ट गरजांनुसार तयार केलेले प्रेडिक्टिव्ह ॲनालिटिक्स, जनरेटिव्ह एआय, कॉम्प्युटर व्हिजन आणि एजंटिक व फिजिकल एआय ब्लूप्रिंट्सचा वापर करून, टीसीएस आणि एनव्हिडिया संस्थांना त्यांच्या कामकाजात उच्च दर्जाची स्वायत्तता मिळवून देण्यास मदत करतील.
टीसीएस रॅपिड आउटकम एआय (TCS Rapid Outcome AI) मॅन्युफॅक्चरिंग, टेलिकॉम, बँकिंग, रिटेल, लाईफ सायन्सेस आणि इंजिनीअरिंग सारख्या क्षेत्रांमधील कंपन्यांना मोठ्या प्रमाणावर एआय ॲप्स वापरण्यास मदत करते. हे ॲप्लिकेशन्स निर्णय घेण्याची प्रक्रिया स्वयंचलित करण्यास, कामकाजावर अधिक चांगल्या प्रकारे लक्ष ठेवण्यास, मानवी हस्तक्षेप कमी करण्यास आणि व्यवसायातील प्रत्येक कामाची कार्यक्षमता वाढवण्यास मदत करतात.
एनव्हिडियामधील एंटरप्राइझ सॉफ्टवेअरचे व्हाइस प्रेसिडंट जॉन फनेली म्हणाले, “मॅन्युफॅक्चरिंग आणि टेलिकॉमपासून ते बँकिंग आणि रिटेलपर्यंत—AI प्रत्येक उद्योगातील कंपन्यांच्या कामकाजाची पद्धत बदलून टाकत आहे. टीसीएसचा सखोल अनुभव आणि एनव्हिडियाचा प्रगत एआय प्लॅटफॉर्म यांच्या एकत्रित प्रयत्नातून साकारलेले ‘रॅपिड आउटकम एआय’, कंपन्यांना एआय ॲप्स विकसित करणे आणि त्यांची अंमलबजावणी करणे अधिक सोपे करेल. यामुळे ऑटोमेशनची एक नवीन पातळी गाठता येईल, शिवाय व्यवसायातही उत्तम परिणाम दिसून येतील.”
टीसीएसचे चीफ एआय आणि सर्व्हिसेस ट्रान्सफॉर्मेशन ऑफिसर अमित कपूर म्हणाले, “आमच्या व्यवसायातील सखोल अनुभव आणि एनव्हिडियाची प्रगत एआय पायाभूत सुविधा आम्ही ‘रॅपिड आउटकम एआई’मध्ये एकत्र आणली आहे, जेणेकरून आमच्या ग्राहकांना व्यवसायात ठोस निकाल मिळू शकतील. हा प्लॅटफॉर्म कामकाजाची अचूक माहिती देतो आणि प्रत्येक युजरच्या गरजेनुसार एआय मोठ्या प्रमाणावर लागू करण्यास मदत करतो. या बदलामुळे होणारा परिणाम आणि या भागीदारीतून निर्माण होणारे मूल्य पाहून आम्ही अत्यंत उत्साही आहोत.”
एनव्हिडियाच्या एआय इन्फ्रास्ट्रक्चर आणि कॉम्प्युटिंग पॉवरवर आधारित हा प्लॅटफॉर्म, उद्योगांच्या विशिष्ट गरजांनुसार तयार केलेल्या ब्लूप्रिंट्सचा वापर करतो. याच्या मदतीने कंपन्या आपल्या कामकाजात एआय तंत्रज्ञान अधिक वेगाने, उत्तम नियंत्रणासह आणि मोठ्या प्रमाणावर समाविष्ट करू शकतात. टीसीएसच्या खास ‘एनव्हिडिया बिझनेस युनिट’ आणि दोन्ही कंपन्यांच्या एकत्रित प्रयत्नांतून, एनव्हिडियाचे प्रगत तंत्रज्ञान आणि टीसीएसचा व्यावसायिक अनुभव यांचा मेळ घातला जाईल. यामुळे जगभरातील कंपन्यांसाठी खास एआय सोल्यूशन्स वेगाने लागू करणे शक्य होईल, ज्यामुळे व्यवसायात ठोस निकाल मिळतील.
व्यवसायातून मिळणारे परिणाम सुधारणारे एआय ॲप्लिकेशन्स
मोठ्या प्रमाणावर एआयचा वापर
हा प्लॅटफॉर्म एनव्हिडियाच्या वेगवान कॉम्प्युटिंग पॉवरवर चालतो. याच्या मदतीने कंपन्या आपले निर्णय प्रत्यक्ष जगात लागू करण्यापूर्वी, संगणकावर सिम्युलेट करून, तपासून आणि त्यात सुधारणा करून पाहू शकतात.
NVIDIA Omniverse आणि OpenUSD आधारित सिम्युलेशनचा वापर करून, टेलिकॉम इन्फ्रास्ट्रक्चर आणि कामकाजाच्या विविध परिस्थितींना ‘डिजिटल ट्विन्स’ (म्हणजेच संगणकावरील हुबेहूब मॉडेल) स्वरूपात तयार करून पाहता येते. यामुळे सुरक्षा, कार्यक्षमता आणि नियोजनाच्या रणनीतींची चाचपणी करणे सोपे होते. याव्यतिरिक्त, NVIDIA NIM मायक्रोसर्व्हिसेसद्वारे लागू केलेले एआय मॉडेल्स, डेटाचे विश्लेषण, ऑटोमेशन आणि कामकाजाची सखोल माहिती देण्यासाठी मदत करतात.
कामकाजाची अचूक माहिती
हा प्लॅटफॉर्म NVIDIA Metropolis चा वापर करतो, जेणेकरून असे ‘व्हिजन एआय एजंट्स’ (Vision AI agents) तयार करता येतील जे मोठ्या प्रमाणावर कामकाजाची संपूर्ण माहिती देऊ शकतील. याच्या मदतीने फॅक्टरी, गोदामे, रिटेल स्टोअर्स आणि टेलिकॉम नेटवर्क सारख्या ठिकाणांचे ‘रिअल-टाइम’ (प्रत्येक क्षणाचे) निरीक्षण करता येते. ‘फिजिकल एआय’च्या माध्यमातून हे सुरक्षिततेच्या नियमांचे उल्लंघन पकडण्यास, गुणवत्तेतील त्रुटी लवकर ओळखण्यास आणि त्वरित अलर्ट देण्यास मदत करते, ज्यामुळे मशिन आणि सिस्टम्सना स्वतःहून काम करण्याची क्षमता मिळते.
युजरच्या भूमिकेवर आधारित एंटरप्राइझ एआय
NVIDIA NIM मायक्रोसर्व्हिसेसचा वापर करून, हा प्लॅटफॉर्म कस्टमर सर्व्हिस, आयटी ऑपरेशन्स, इंजिनीअरिंग आणि निर्णय घेण्यासारख्या कामांसाठी खास एआय असिस्टंट तयार करतो. हे असिस्टंट कर्मचाऱ्यांना कंपनीची माहिती मिळवण्यासाठी, तांत्रिक समस्या वेगाने सोडवण्यासाठी आणि कामकाजाचा वेग वाढवण्यासाठी मदत करतात.
कंपन्यांना त्यांच्या कामकाजात एआयचा वापर करण्यास मदत करण्यासाठी, टीसीएस एनव्हिडियासोबतची आपली भागीदारी सतत वाढवत आहे. ‘रॅपिड आउटकम एआय’चे प्रदर्शन एनव्हिडिया जीटीसी २०२६ (NVIDIA GTC 2026) मध्ये केले जाईल. तिथे टीसीएस मोठ्या प्रमाणावर एआय वापरण्याचा आपला दृष्टिकोन मांडेल आणि विविध उद्योगांमध्ये एआय ॲप्स पूर्णपणे कसे लागू करता येतात, हे दाखवून
