Motorola भारतात आपला नवीन प्रीमियम स्मार्टफोन ‘सिग्नेचर’ सिरीज अंतर्गत ७ जानेवारी २०२६ रोजी लॉन्च करणार आहे. कंपनीने सोशल मीडियावर शेअर केलेल्या टीझरमध्ये फोनच्या प्रीमियम डिझाइनवर विशेष भर देण्यात आला आहे. हा स्मार्टफोन फ्लिपकार्ट, मोटोरोलाची अधिकृत वेबसाइट आणि इतर ऑनलाइन प्लॅटफॉर्मवर विक्रीसाठी उपलब्ध होणार आहे.
प्रीमियम डिझाइनची झलक
मोटोरोला सिग्नेचरमध्ये फॅब्रिक फिनिश असलेला बॅक पॅनल मिळण्याची शक्यता आहे. मागील बाजूस स्क्वेअर आकाराचे कॅमेरा मॉड्यूल देण्यात आले असून त्यात ट्रिपल कॅमेरा सेटअप आणि LED फ्लॅश असेल. फोनला मेटल फ्रेम, स्लिम बेझल्स आणि फ्लॅट डिस्प्ले मिळण्याची अपेक्षा आहे.
अपेक्षित स्पेसिफिकेशन्स
लीक्सनुसार, या फोनमध्ये Snapdragon 8 Gen 5 प्रोसेसर देण्यात येऊ शकतो. हा अत्याधुनिक चिपसेट उच्च कार्यक्षमता देणारा असेल. फोनमध्ये 16GB पर्यंत RAM आणि Android 16 आधारित Hello UI मिळण्याची शक्यता आहे. डिस्प्ले 6.7 इंच 1.5K OLED असू शकतो.
कॅमेरा फीचर्स
कॅमेरा विभागात 50MP ट्रिपल कॅमेरा सेटअप मिळेल. यामध्ये पेरिस्कोप टेलीफोटो लेन्स असण्याची शक्यता असून, त्यामुळे लांब अंतरावरील फोटो अधिक स्पष्ट टिपता येतील. समोरच्या बाजूस हाय-रिझोल्यूशन सेल्फी कॅमेरा देण्यात येईल. काही अहवालांनुसार स्टायलस सपोर्ट देखील मिळू शकतो.
‘सिग्नेचर’ सिरीजमधील पहिले डिव्हाइस
मोटोरोला या फोनला आपल्या नव्या सिग्नेचर सिरीजमधील पहिले स्मार्टफोन म्हणून सादर करणार आहे. कंपनीचे लक्ष डिझाइन आणि इनोव्हेशनवर असल्याचे टीझरमधून स्पष्ट होते. काही रिपोर्ट्समध्ये हा फोन Motorola Edge 70 Ultra चा री-ब्रँड असू शकतो, असा अंदाज व्यक्त केला जात आहे.
किंमत आणि उपलब्धता
फोनची अधिकृत किंमत अद्याप जाहीर झालेली नसली तरी ती सुमारे 60,000 रुपये असण्याची शक्यता आहे. लॉन्चनंतर हा स्मार्टफोन सर्वप्रथम फ्लिपकार्टवर उपलब्ध होईल. तसेच, कंपनीकडून Pantone कलर ऑप्शन्स देखील देण्यात येण्याची शक्यता आहे.
