कोरियन टेक कंपनी सॅमसंग आपल्या फ्लॅगशिप गॅलेक्सी S26 सिरीज लॉन्च करण्याच्या तयारीत असून, यावर्षीही तीन मॉडेल्स — S26, S26+ आणि S26 Ultra — सादर होण्याची शक्यता आहे. ही सर्व स्मार्टफोन्स कंपनीच्या वार्षिक गॅलेक्सी अनपॅक्ड कार्यक्रमात सादर केली जातील. अधिकृत तारीख जाहीर नसली तरी मीडिया रिपोर्टनुसार हा इव्हेंट 25 फेब्रुवारीला होऊ शकतो.
संभाव्य किंमत
सिरीजच्या बेस मॉडेलची सुरुवातीची किंमत सुमारे ₹79,999 असू शकते. S26+ ₹99,999 पासून, तर S26 Ultra सुमारे ₹1.29 लाखांपासून उपलब्ध होण्याची शक्यता आहे. अल्ट्राच्या 1TB व्हेरिएंटची किंमत ₹1.60 लाखांपर्यंत जाऊ शकते.
डिझाइन आणि बिल्ड
नव्या सिरीजमध्ये स्लिम डिझाइन आणि प्रीमियम मटेरियलवर भर देण्यात आला आहे. Ultra मॉडेलमध्ये ग्रेड-5 टायटॅनियम फ्रेम मिळण्याची शक्यता असून इतर मॉडेल्समध्ये मजबूत अॅल्युमिनियम फ्रेम दिली जाऊ शकते. स्टँडर्ड S26 सुमारे 6.9mm जाडीचा अतिशय स्लिम फोन असू शकतो. मागील बाजूस मॅट-फिनिश ग्लास आणि पुढे अतिशय पातळ बेझल्ससह सेंटर पंच-होल सेल्फी कॅमेरा दिला जाईल. फँटम ब्लॅक, क्रीम, ग्रीनसह नवीन टायटॅनियम शेड्सही उपलब्ध होऊ शकतात.
प्रोसेसर आणि कॅमेरा
सिरीजमध्ये शक्तिशाली ‘स्नॅपड्रॅगन एलिट जेन 5’ प्रोसेसर मिळण्याची शक्यता असून, प्रगत AI फीचर्सवर विशेष लक्ष असेल. Ultra मॉडेलमध्ये 200MP मुख्य कॅमेरा देण्यात येऊ शकतो.
टिकाऊपणा
संपूर्ण सिरीज IP68 रेटिंगसह येण्याची शक्यता आहे, ज्यामुळे फोन पाणी आणि धुळीपासून सुरक्षित राहतील.
