रेल्वे प्रवासात बाटलीबंद दारू नेणे कायदेशीर आहे का? जाणून घ्या रेल्वेचे नियम

रेल्वे प्रवासात बाटलीबंद दारू नेणे कायदेशीर आहे का? जाणून घ्या रेल्वेचे नियम

रेल्वेने प्रवास करताना अनेकदा हा प्रश्न अनेकांच्या मनात येतो – ट्रेनमधून बाटलीबंद दारू नेणे कायद्याच्या दृष्टीने वैध आहे का? आज आपण याच प्रश्नाचं स्पष्टीकरण जाणून घेणार आहोत.

रेल्वे प्रवास हा तुलनात्मकदृष्ट्या आरामदायी, किफायतशीर आणि सोयीस्कर मानला जातो. त्यामुळे लांब पल्ल्याच्या प्रवासासाठी बऱ्याचजणांची रेल्वे हीच पहिली पसंती असते. मात्र, अशा प्रवासात दारूसोबत प्रवास करता येतो का? यासंबंधी रेल्वेचा स्पष्ट असा कोणताही नियम नाही. मात्र, हा निर्णय संपूर्णपणे संबंधित राज्यांच्या दारू धोरणावर अवलंबून असतो.

राज्यनिहाय कायदे ठरवतात नियम

प्रत्येक राज्याचं मद्यविषयक धोरण वेगवेगळं असतं. उदाहरणार्थ, गोव्यात दारू स्वस्त असते कारण तिथे करदराचे दर कमी आहेत. परंतु गोव्यातून महाराष्ट्रात जर दारू घेऊन येण्याचा प्रयत्न केला, तर तो कायद्याच्या विरोधात ठरू शकतो. याचप्रमाणे काही राज्ये ‘ड्राय स्टेट’ म्हणून ओळखली जातात – जसं की बिहार, गुजरात, नागालँड आणि मिझोरम. या राज्यांमध्ये दारूचा संपूर्ण बंदी आहे, त्यामुळे तिथे दारू नेणे किंवा घेऊन जाणे पूर्णपणे बेकायदेशीर ठरतं.

दारू नेण्यासाठी परवानगी लागते का?

जर एखाद्या व्यक्तीकडे वैध परवाना असेल आणि प्रमाणबद्ध मर्यादेत दारू असल्यास त्यावर कुठलाही कायदेशीर आक्षेप घेतला जात नाही. मात्र, त्या मर्यादेपेक्षा अधिक प्रमाणात साठा आढळल्यास कारवाई होऊ शकते.

कायदेशीर कारवाई व दंड

जर नियमांचे उल्लंघन झाले तर संबंधित व्यक्तीला ₹5,000 ते ₹25,000 पर्यंत दंड ठोठावला जाऊ शकतो. शिवाय, ड्राय स्टेटमध्ये जर कोणी दारूसह पकडला गेला, तर केवळ दंडच नव्हे तर तुरुंगवासाची शिक्षा देखील होऊ शकते.

निष्कर्ष

तुम्ही रेल्वेने प्रवास करताना दारूसोबत जात असाल, तर आधी त्या राज्यातील कायदे, धोरणं आणि मर्यादा तपासून पाहाव्यात. कोणताही गैरप्रकार टाळण्यासाठी योग्य माहिती घेऊनच पुढे पाऊल टाकावं.