मुंबई : मागील तीन वर्षांपासून रखडलेल्या स्थानिक स्वराज्य संस्थांच्या निवडणुकांबाबत अखेर महत्त्वाची माहिती समोर आली आहे. या निवडणुका तीन टप्प्यांमध्ये होणार असल्याचे सूत्रांकडून समजते. विशेष म्हणजे या निवडणुकांसाठी २०११ च्या जनगणनेनुसार लोकसंख्या ग्राह्य धरण्यात येणार आहे.
🗳 कसे असतील निवडणुकीचे तीन टप्पे?
- पहिला टप्पा – जिल्हा परिषद आणि पंचायत समित्यांच्या निवडणुका
- दुसरा टप्पा – नगरपालिका व नगर परिषद निवडणुका
- तिसरा टप्पा – मुंबईसह इतर महानगरपालिकांच्या निवडणुका
🕔 निवडणुकांची संभाव्य वेळ
निवडणूक आयोग डिसेंबर २०२५ अखेर संपूर्ण निवडणूक प्रक्रिया पूर्ण करण्याच्या तयारीत आहे. त्यामुळे दिवाळीनंतर आचारसंहिता लागू होण्याची शक्यता असून, राज्यात निवडणुकीची जोरदार हवा निर्माण होण्याची चिन्हं आहेत.
⚖️ सर्वोच्च न्यायालयाचा आदेश
६ मे २०२५ रोजी सर्वोच्च न्यायालयाने राज्य सरकारला पुढील चार महिन्यांत निवडणुका घेण्याचे निर्देश दिले होते. मात्र, पावसाळा आणि सणांमुळे निवडणुका थोडा उशीराने घेत असल्याचं राज्य निवडणूक आयोगाकडून सर्वोच्च न्यायालयात सादर करण्यात येणार आहे.
📅 राज्य सरकारचं नियोजन
- मुंबई, पुणे, ठाणे महानगरपालिका – ४ सप्टेंबरपर्यंत अंतिम प्रभाग रचना प्रसिद्ध करण्याचे आदेश
- उर्वरित १९ महानगरपालिका व २५०+ नगर परिषद – १ सप्टेंबरपर्यंत प्रभाग रचना जाहीर करण्याचे नियोजन
महानगरपालिका आयुक्त, जिल्हाधिकारी व अन्य स्थानिक अधिकाऱ्यांना संबंधित वेळापत्रकात सर्व प्रक्रिया पूर्ण करण्याचे निर्देश देण्यात आले आहेत.
🔍 प्रभाग रचना आणि आरक्षण
- प्रभाग रचना २०११ च्या जनगणनेनुसार
- अनुसूचित जाती-जमातींसाठी आरक्षणही त्याच जनगणनेनुसार
- सध्या मनुष्यबळ व मतदार याद्यांसाठी परवानगी प्रलंबित
- गट रचना, वॉर्ड विभाजनाची प्रक्रिया सुरु
ही निवडणूक प्रक्रिया महाराष्ट्रातील स्थानिक स्वराज्य संस्थांना नवसंजीवनी देणार असून, सत्तेच्या स्थानिक पातळीवर मोठ्या राजकीय घडामोडी घडण्याची शक्यता आहे.
