पुणे, भारत, 30 जुलै 2025 – प्रगत फोर्जिंग आणि अचूक अभियांत्रिकी क्षेत्रातील जागतिक अग्रगण्य कंपनी भारत फोर्ज लिमिटेड (BFL) एरोस्पेस घटकांच्या पुरवठ्यासाठी प्रॅट अॅण्ड व्हिटनी कॅनडा सोबत करार केल्यानंतर एरोस्पेस अॅप्लीकेशन्ससाठी समर्पित अशी एक नवीन अत्याधुनिक रिंग मिल स्थापन करणार आहे. ही नवीन रिंग मिल BFL च्या एरोस्पेस उत्पादन क्षमतेच्या चालू विस्ताराचा एक भाग म्हणून उभारली जाणार आहे. अत्याधुनिक तंत्रज्ञानाचा लाभ घेत आणि जागतिक दर्जाच्या गुणवत्तेचे व ट्रेसिबिलिटी मानकांचे पालन करत या उत्पादन केंद्राची रचना एरो-इंजिन अॅप्लीकेशन्ससाठी उच्च कार्यक्षमतेची एरोस्पेस उत्पादने तयार करण्याच्या दृष्टीने करण्यात आली आहे.
भारत फोर्ज लिमिटेडचे उपाध्यक्ष आणि सह व्यवस्थापकीय संचालक अमित कल्याणी म्हणाले, “या नवीन रिंग मिलच्या स्थापनेतून प्रॅट अॅण्ड व्हिटनी कॅनडा सोबतची आमची ही धोरणात्मक भागीदारी अधिक दृढ करताना आम्ही अत्यंत उत्सुक आहोत. यातून जागतिक एरोस्पेस परिसंस्थेसाठी असलेली आमची बांधिलकी केवळ दिसून येत नाही तर हे भारताच्या उच्च-मूल्य एरोस्पेस घटकांच्या उत्पादन क्षमतेतील प्रगतीच्या दिशेने टाकलेले एक महत्त्वपूर्ण पाऊल आहे.”
प्रॅट अॅण्ड व्हिटनी कॅनडाचे पुरवठा साखळी उपाध्यक्ष फ्रेडरिक लेफेब्रव्रे म्हणाले, “ही भागीदारी म्हणजे आमच्या मजबूत जागतिक पुरवठा साखळी उभारण्याच्या आणि भारताच्या एरोस्पेस इकोसिस्टमला पुढे नेण्याच्या बांधिलकीचे प्रतीक आहे. प्रॅट अॅण्ड व्हिटनी भारतात सात दशकांहून अधिक काळापासून कार्यरत असून अत्याधुनिक विश्वासार्ह इंजिन्स विकसित करण्यास योगदान देत येथे 800 हून अधिक कर्मचारी आहेत.”
ही नवीन रिंग मिल 2026 पर्यंत कार्यान्वित होण्याची अपेक्षा आहे आणि ती देशांतर्गत तसेच आंतरराष्ट्रीय एरोस्पेस प्रकल्पांना पाठबळ देईल. ही सुविधा म्हणजे भारताच्या जागतिक एरोस्पेस उत्पादन केंद्र होण्याच्या दृष्टीकोनात भरीव योगदान देणारा एक प्रमुख घटक ठरेल.
