९८ फुटांचा साप अॅमेझॉनमध्ये फिरताना? व्हायरल व्हिडीओनं सोशल मीडियावर उडवली खळबळ! (Video)
अलीकडे अॅमेझॉनच्या जंगलात फिरणाऱ्या एका प्रचंड सापाचा व्हिडीओ सोशल मीडियावर प्रचंड व्हायरल झाला होता. तुम्हीही तो पाहिला असेलच! हा साप एनाकोंडा प्रजातीचा असल्याचं सांगितलं जात होतं. एवढा मोठा की एका वेळेस दोन हत्ती गिळूनसुद्धा त्याच्या पोटात जागा उरावी!
आता अशाच प्रकारचा आणखी एक व्हिडीओ पुन्हा चर्चेत आला आहे – आणि या व्हिडीओतील साप तर आधीच्या एनाकोंडापेक्षाही अधिक भलामोठा दिसतोय. काहींच्या मते, त्याची लांबी तब्बल ३० मीटर म्हणजेच जवळपास ९८ फूट आहे!
The Yacumama is a giant anaconda from the Amazon, said to reach over 30 meters in length. Allegedly 😵 pic.twitter.com/WkBjehGuQo
— Not A Number (@myhiddenvalue) May 14, 2025
हा व्हिडीओ @myhiddenvalue या ट्विटर (X) अकाउंटवरून शेअर करण्यात आला आहे. साप एनाकोंडा प्रजातीचा असल्याचं म्हटलं जातंय. पण लक्षात घ्या – हा व्हिडीओ खरा नसून AI तंत्रज्ञानाच्या साहाय्याने तयार केलेला बनावटी व्हिडीओ आहे.
कारण आजवर नोंदवलेला सर्वात मोठा एनाकोंडा केवळ ३० फूट लांबीचा होता. त्यामुळे या व्हिडीओतील ९८ फुटांचा साप हा शास्त्रीयदृष्ट्या अशक्य मानला जातो.
जगभरातल्या अनेक पौराणिक कथांमध्ये अशा अवाढव्य सापांचे उल्लेख आहेत. मात्र, डायनॉसॉरसारखे ठोस पुरावे या सापांबाबत आजपर्यंत सापडलेले नाहीत.
एक बार फिर से अमेजन के जंगलों में बड़े एनाकोंडा सांप को देखा गया। pic.twitter.com/ssn0AjihQB
— Dr. Sheetal yadav (@Sheetal2242) May 8, 2025
या व्हिडीओला आतापर्यंत तब्बल १ कोटी २६ लाखांहून अधिक व्ह्यूज मिळाले आहेत. पाहताना तो खरा वाटतो, पण बारकाईने पाहिल्यास लगेच समजते की तो AI च्या मदतीने बनवलेला आहे.
तर, हा बनावटी साप पाहून तुमच्या मनात काय विचार आले? खरं वाटलं का? की लगेच लक्षात आलं की बनावट आहे? तुमचं मत जरूर शेअर करा!
