Video : बंदुकीतून धाडधाड सुटणाऱ्या गोळ्या, चेहऱ्यावर मृत्यूची भीती! पहलगाममधील दहशतवादी हल्ल्याचा भयंकर Video
Pahalgam Terror Attack : जम्मू काश्मीरमधील पहलगाममध्ये 22 एप्रिल रोजी पर्यटकांवर झालेल्या दहशतवादी हल्ल्याचा आणखी एक भयंकर व्हिडिओ (Pahalgam Terrorist Attack Video) समोर आला आहे. बैसरन घाटीमध्ये सुट्टीचा आनंद घेत असलेल्या पर्यटकांवर दहशतवादी गोळीबार करत असल्याचं या व्हिडिओमध्ये दिसत आहे. गोळ्यांचा आवाज ऐकताच घाबरलेल्या पर्यटकांची पळापळ होत आहे. हा व्हिडिओ अतिशय अस्वस्थ करणारा आहे.
पृथ्वीवरील नंदनवन समजल्या जाणाऱ्या काश्मीरच्या निसर्ग सौंदर्याचा मनमुराद आनंद पर्यटक घेत होते. त्याचवेळी काही अतिरेकी तिथं आले आणि त्यांनी गोळीबार सुरु केला, हे या व्हिडिओमध्ये दिसत आहे. गोळीबार सुरु होताच एक पर्यटक जमिनीवर पडला. त्यानंतर दहशतवादी पुढं येऊन दुसऱ्या पर्यकांवर गोळीबार करत होते.
पहलगाम आतंकी हमले का नया वीडियो आया सामने, वीडियो में आतंकी एक शख्स को गोली मारता दिखाई दिया#PahalgamTerrorAttack | @jayakaushik123 | @mukeshmukeshs pic.twitter.com/Y91hCXaNDy
— NDTV India (@ndtvindia) April 26, 2025
गोळ्यांचे आवाज ऐकू येताच बैसरन घाटीमधील आनंदी आणि उत्साही वातावरण एका क्षणात बदललं. तिथं गोंधळ सुरु झाला. पर्यटक आपला जीव वाचवण्यासाठी इकडं -तिकडं पळू लागले, असा हा भयंकर व्हिडिओ आहे.
बैसरनमध्ये सर्वत्र मोकळं मैदान असल्यानं पर्यटकांना लपण्यासाठी कोणतीही जागा नव्हती. त्यामुळे त्यांचा जीव वाचवण्याचा प्रयत्न अयशस्वी झाला. दहशतवाद्यांनी काही जणांना अगदी ठरवून लक्ष्य केलं.
हा व्हिडिओ खूप दूरवरुन शूट केला आहे. त्यामुळे या व्हिडिओमध्ये सर्व काही लहान दिसत आहे. तसंच या गोळीबारात किती जणांचा जीव वाचला हे स्पष्ट झालेलं नाही.
