Pune Bjp : भाजप शहराध्यक्षपदासाठी बिडकर, भिमाले, शिळमकर यांची नावे आघाडीवर; निवड प्रक्रिया पूर्ण
पुणे : भाजपमध्ये सध्याच्या संघटनात्मक बदलाचे वारे वाहताना पाहायला मिळत आहेत. केंद्रीय नेतृत्वाच्या निर्देशानुसार प्रदेश व शहर पातळीवर मोठे बदल घडवले जात आहेत. या पार्श्वभूमीवर पुणे शहर भाजपच्या अध्यक्षपदासाठी निवड प्रक्रिया अंतिम टप्प्यात आली आहे.
पुण्यात खळबळ : खून करून बायकोचा मृतदेह फेकला दरीत
सध्या या पदासाठी श्रीकांत भिमाले, गणेश बिडकर आणि राहुल शिळमकर यांची नावे प्रामुख्याने चर्चेत आहेत. पुण्यात नव्या शहराध्यक्ष निवडीसाठी अनेक संभाव्य उमेदवारांची नावे चर्चेत होती. मात्र वरिष्ठ स्तरावर झालेल्या बैठकीनंतर भिमाले, बिडकर आणि शिळमकर यांच्या नावांचा विचार अंतिम यादीत करण्यात आला आहे.
साप्ताहिक नोंदणीवर दैनिक वृत्तपत्रांचे बिनधास्त प्रकाशन; नियमबाह्य प्रकारांना ऊत
भाजपच्या नियमानुसार, शहराध्यक्षपदासाठी वयाची ५० वर्षांची अट असते. या निकषावर आधारित अंतिम यादी तयार करण्यात आली. यातून कार्यकर्ते व पदाधिकाऱ्यांचा व्यापक अनुभव, शहरातील जनसंपर्क, संघटन कौशल्य आणि पक्षनिष्ठा या बाबी लक्षात घेण्यात आल्या.
सध्या भिमाले, बिडकर व शिळमकर या तिघांचेही कार्यकर्त्यांमध्ये चांगले बळ असून त्यांचा स्थानिक तसेच पक्ष पातळीवर चांगला प्रभाव आहे. त्यामुळे यातील एकाच्या नावावर लवकरच शिक्कामोर्तब होण्याची शक्यता आहे.
WhatsApp मध्ये सीक्रेट चॅटसाठी आलं नवं फीचर; आता प्रायव्हसीचं टेन्शन होणार छूमंतर
मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या उपस्थितीत पुणे शहराध्यक्ष निवडीवर अंतिम निर्णय घेतला जाणार आहे. दरम्यान, नवीन शहराध्यक्ष निवडीनंतर पक्ष संघटनेत आणखी काही महत्त्वाचे बदल होण्याची शक्यता व्यक्त केली जात आहे.
