Motorola Edge 60 : 50MPच्या सेल्फी कॅमेऱ्यासह दणकट फोन; Motorola Edge 60 चे स्पेसिफिकेशन…
मोटोरोलानं अलीकडेच Edge 60 Fusion आणि Edge 60 Stylus असे दोन फोन भारतीय बाजारात लाँच केले होते. आता या सीरिजचा तिसरा मॉडेल Edge 60 भारतीय बाजारात सादर करण्याची तयारी करत आहे. येत्या 24 एप्रिलला razr 60 flip phone सोबत हा 5जी फोन जागतिक बाजारात सादर केला जाईल. जरी आता कंपनीनं घोषणा केली असली तरी मोटोरोला एज 60 5जीचे फीचर्स आणि स्पेसिफिकेशन्स लीकच्या माध्यमातून समोर आले आहेत.
मोटोरोला एज 60 ची माहिती प्रसिद्ध टिपस्टर evleaks नं शेयर केली आहे. त्याने दिलेल्या माहितीनुसार सांगण्यात आलं आहे की हा मोबाइल मीडियाटेकच्या डायमेन्सिटी 7300 प्रोसेसरसह येऊ शकतो. हा 4नॅनोमीटर फॅब्रिकेशनवर बनलेला मोबाइल चिपसेट आहे जो 2.5GHz पर्यंतच्या क्लॉक स्पीडवर चालतो.
Motorola Edge 60 5G फोन 12जीबी रॅमसह लाँच केला जाऊ शकतो. या फोनमध्ये 12जीबी वचुर्अल रॅम टेक्नॉलॉजी देखील मिळू शकते जी मोबाइल मधील रॅमसह मिळून 24GB RAM ची ताकद देऊ शकते. लीकनुसार फोनचा टॉप व्हेरिएंट 512जीबी स्टोरेजला सपोर्ट करेल.
लीकनुसार हा अपकमिंग मोटोरोला मोबाइल फोन 6.7-इंचाच्या मोठ्या स्क्रीनसह लाँच केला जाईल. Motorola Edge 60 मध्ये 1.5K रेजोल्यूशन असलेला पंच होल डिस्प्ले मिळेल जो कर्व्ड पीओएलईडी पॅनलसह येऊ शकतो. या फोनमध्ये 120हर्ट्झ रिफ्रेश रेटचा सपोर्ट मिळू शकतो.
फोटोग्राफीसाठी Motorola Edge 60 मध्ये ट्रिपल रियर कॅमेरा मिळू शकतो. लीकनुसार याच्या बॅक पॅनलवर 50 मेगापिक्सलचा मेन कॅमेरा मिळेल. हा Sony LYTIA 700C सेन्सर असेल जो OIS टेक्नॉलॉजीसह येईल. त्याचबरोबर रियर कॅमेरा सेटअपमध्ये एक अल्ट्रा वाइड अँगल लेन्स आणि एक 3x telephoto सेन्सर दिला जाऊ शकतो. तसेच हा मोटोरोला 5जी फोन 50 मेगापिक्सल सेल्फी कॅमेऱ्यासह लाँच होऊ शकतो.
पावर बॅकअपसाठी मोटोरोला एज 60 5जी फोन 5,200एमएएच बॅटरीसह बाजारात येऊ शकतो. लीकनुसार ही मोठी बॅटरी फास्ट चार्ज करण्यासाठी स्मार्टफोनमध्ये 68वॉट फास्ट चार्जिंग टेक्नॉलॉजी देखील दिली जाऊ शकते.
लीकमध्ये समोर आले आहे की मोटोरोला एज 60 5जी फोन मिलिट्री ग्रेड MIL-810H सर्टिफिकेशनसह येईल. यामुळे हा फोन मजबूत असेल आणि पडल्यावर देखील सुरक्षित राहील हे दिसते. तसेच मोबाइल वॉटरप्रूफ बनवण्यासाठी IP68 + IP69 रेटिंगसह सादर केला जाऊ शकतो.
