एअरलाइन आता पुण्याहून 90 हून अधिक साप्ताहिक उड्डाणे चालवते, शहराला बँकॉक आणि देशांतर्गत दहा गंतव्यस्थानांना जोडते, ज्यात मंगळुरूच्या नव्याने घोषित मार्गाचाही समावेश आहे.
सुरत-बँकॉक मार्गाचे एका दिवसापूर्वीच उद्घाटन केल्यानंतर, एअर इंडिया एक्सप्रेसने पुणे ते बँकॉक थेट उड्डाणे सुरू केली आहेत. हा आनंद साजरा करण्यासाठी एअरलाइनने शुभारंभाच्या फ्लाइटच्या पहिल्याच पाहुण्याला पुणे विमानतळावर अनोखा बोर्डिंग पास दिला.
पुण्याहून उड्डाण करणाऱ्या प्रवाशांच्या उत्साहात भर घालत, एअर इंडिया एक्सप्रेसने 4 जानेवारी 2025 पासून पुणे ते मंगळुरूला जोडणारी थेट उड्डाणे सुरू करण्याची घोषणा केली आहे. ही उड्डाणे दर शनिवारी दोनदा असतील.
| 21 डिसेंबर 2024 पासूनचे वेळापत्रक (स्थानिक वेळेनुसार) | ||||
| Departure Airport | Arrival Airport | Departure Time | Arrival Time | Frequency |
| Pune | Bangkok | 08:40 | 14:30 | Tue, Thu, Sat |
| Bangkok | Pune | 15:35 | 18:25 | Tue, Thu, Sat |
| 4 जानेवारी 2025 पासूनचे वेळापत्रक (स्थानिक वेळेनुसार) | ||||
| Pune | Mangaluru | 09:55, 20:35 | 11:40, 22:05 | 2x Saturday |
| Mangaluru | Pune | 08:00, 18:30 | 09:25, 20:00 | 2x Saturday |
आपल्या नेटवर्कचा अधिक विस्तार करत, एअर इंडिया एक्सप्रेस 27 डिसेंबर 2024 पासून चार साप्ताहिक सेवांसह अमृतसरहून बँकॉकला उड्डाणे सुरू करेल आणि 28 डिसेंबर 2024 पासून लखनऊहून बँकॉकसाठी तीन साप्ताहिक उड्डाणे सुरू करेल.
फ्लाइट बुक करण्याव्यतिरिक्त, प्रवासी एअर इंडिया एक्स्प्रेसच्या ‘एक्सप्रेस हॉलिडेज’ प्लॅटफॉर्मचा फायदा करून घेऊ शकतात. निवास, वाहतूक आणि अन्य गोष्टींसह क्युरेटेड हॉलिडे पॅकेजेस देतात. एअरलाइनच्या वेबसाइटवरील उत्पादन आणि सेवा विभागात ‘एक्सप्रेस हॉलिडेज’ सहज उपलब्ध होऊ शकतात.
पुण्याहून: एअर इंडिया एक्स्प्रेस पुण्याहून 90 पेक्षा जास्त साप्ताहिक उड्डाणे चालवते आणि थेट बेंगळुरू, भुवनेश्वर, चेन्नई, दिल्ली, हैदराबाद, जयपूर, कोची, कोलकाता, लखनौ आणि मंगळुरु यासह देशांतर्गत दहा गंतव्यस्थानांना आणि आंतरराष्ट्रीय स्तरावर बँकॉकला जोडते. याव्यतिरिक्त, एअरलाइन देशांतर्गत 20 गंतव्यस्थानांना वन-स्टॉप कनेक्टिव्हिटी प्रदान करते: आगरतळा, अमृतसर, अयोध्या, बागडोगरा, गोवा, गुवाहाटी, ग्वाल्हेर, इंफाळ, इंदूर, जम्मू, कोझिकोड, कन्नूर, पाटणा, रांची, श्रीनगर, श्री विजया पुरम (पोर्ट ब्लेअर) ), तिरुवनंतपुरम, वाराणसी, विजयवाडा, आणि विशाखापट्टणम आणि 11 आंतरराष्ट्रीय गंतव्यस्थाने: अबू धाबी, बहरीन, दम्माम, दुबई, जेद्दा, कुवेत, मस्कत, रियाध, सलालाह, शारजाह आणि सिंगापूर.
