पुणेकरांनो लक्ष द्या : सोमवारपासून अनेक भागांना दर आठवड्याला एक दिवस पाण्याचा तुटवडा; वाचा आठवड्याचे दिवस व पाणीपुरवठा बंद असणारे भाग

पुणे : पुणे महापालिकेने शहराच्या दक्षिण भागात पाणीकपात करण्याचा निर्णय घेतला असून, येत्या सोमवारपासून (५ मे) आठवड्यातून एक दिवस नियोजनबद्ध पाणीपुरवठा बंद ठेवण्यात येणार आहे. यामुळे कात्रज, आंबेगाव, सिंहगड रस्ता परिसरातील अनेक भागांना दर आठवड्याला एक दिवस पाण्याचा तुटवडा सहन करावा लागणार आहे.

गेल्या दीड महिन्यापासून कात्रज, कोंढवा आणि भारती विद्यापीठ परिसरात दर मंगळवारी पाणीपुरवठा बंद ठेवण्यात येत होता. ‘लोकसत्ता’ने एप्रिलच्या पहिल्या आठवड्यात यासंदर्भात वृत्त प्रसिद्ध केले होते. त्यानंतर महापालिकेने आता अधिकृत वेळापत्रक जाहीर करून पाणीकपातीस अधिकृत रूप दिले आहे.

वडगाव बुद्रुक येथील जलकेंद्रातून या भागांना पाणीपुरवठा केला जातो. मात्र, उपलब्ध पाणीसाठा अपुरा पडत असल्यामुळे कात्रज आणि परिसरात पाणीपुरवठा विस्कळीत होत होता. यामुळे अनेक तक्रारी प्राप्त झाल्यानंतर महापालिकेने चक्राकार पद्धतीने आठवड्यातून एक दिवस पाणीपुरवठा बंद ठेवण्याचा निर्णय घेतला आहे, अशी माहिती पाणीपुरवठा विभागाचे प्रमुख नंदकिशोर जगताप यांनी दिली.

आठवड्याचे दिवस व पाणीपुरवठा बंद असणारे भाग :

सोमवार :

बालाजीनगर, श्रीहरी सोसायटी, गुरुदत्त सोसायटी, साईकृपा सोसायटी

पवार रुग्णालय, कात्रज परिसर, कोंढवा, साईनगर

शांतीनगर, महानंदा सोसायटी, श्रीकृष्ण कॉलनी

मंगळवार :

संपूर्ण सन सिटी परिसर, माणिकबाग, समर्थ नगर

मधुकर हॉस्पिटल परिसर, विठ्ठलवाडी, जुनी धायरी

बारंगणी मळा, पारी कंपनी रस्ता, राजस सोसायटी (कात्रज)

निरंजन सोसायटी, कमला सिटी, कोंढवा खडी मशीन चौक

सिंहगड महाविद्यालय, हब टाउन, कोलते पाटील सोसायटी

बुधवार :