पुणे, ऑक्टोबर २०२६: इंडियन सुपरक्रॉस रेसिंग लीगचा (आयएसआरएल) (Indian Supercross Racing League (ISRL)) या जगातील पहिल्या फ्रँचायझी-आधारित सुपरक्रॉस लीगचा सीझन ३ ऑक्शन ४ नोव्हेंबर २०२६ रोजी पुण्यात पार पडणार आहे. चार श्रेणींमध्ये २१ देशांतील १४६ खेळाडूंनी नोंदणी केल्यानंतर फ्रँचायझी सीझन ३ साठी आपले संघ तयार करताना कायम ठेवलेल्या (रिटेंड) खेळाडूंसोबत नवीन खेळाडूंचा समावेश करण्यावर भर देतील. या ऑक्शनमध्ये सात फ्रँचायझींचे प्रतिनिधित्व करणारे एकूण ५६ रायडर्स निवडले जातील: पीबीजी रेसिंग, बिगयॉर्क मोटरस्पोर्ट्स एसएक्स, होंडा बीबी रेसिंग, गुजरात ट्रेलब्लेजर्स, इंडेव्हीलर्स मोटरस्पोर्ट्स, रेझे टॉर्करेसर्स आणि ट्रायकलर मोटरस्पोर्ट्स.
हा ऑक्शन चॅम्पियनशिपमधील संघांची रचना निश्चित करण्यात एक निर्णायक क्षण ठरेल. खेळाडू रिटेन्शन प्रक्रियेनंतर चारही श्रेणींमध्ये संघ बांधताना संघ सातत्य आणि नवीन करारांचा समतोल साधतील. इंडियन सुपरक्रॉस रेसिंग लीगच्या सीझन २ ने दाखवून दिले की, आघाडीवर पोहोचण्यासाठी एकापेक्षा जास्त मार्ग उपलब्ध आहेत. सीझन ३ जवळ येत असताना फ्रँचायझी या अनुभवांचा फायदा घेऊन रायडर रिटेन्शन आणि ऑक्शनमधील धोरणात्मक निवडींचा योग्य समतोल साधत स्पर्धात्मक संघ तयार करण्याकडे लक्ष देतील.
सीझन ३ ऑक्शनपूर्वी मत व्यक्त करत इंडियन सुपरक्रॉस रेसिंग लीगचे को-फाऊंडर आणि डायरेक्टर ईशान लोखंडे म्हणाले, “भारतात येणारे रायडर्स जगभरात आपली क्षमता सिद्ध केलेले स्पर्धक आहेत आणि फ्रँचायझी खेळाडूंचा फॉर्म, त्यांची गुणवत्ता व संघातील ताळमेळ याचा अभ्यास प्रस्थापित जागतिक संघांप्रमाणे करत आहेत. यासाठी कोणताही निश्चित फॉर्म्युला नसला तरी संघबांधणी हा स्वतःच या खेळाचा अत्यंत महत्त्वाचा भाग आहे, हे आपण गेल्या दोन सीझन्समध्ये पाहिले आहे. ऑक्शनच्या रिंगणात २१ देशांतील १४६ रायडर्स, सातवी नवीन फ्रँचायझी आणि नवीन ‘इंडियन फ्युचर्स’ श्रेणी यांच्यासह सीझन ३ ऑक्शन सर्वात चतुर रणनीतीकारांना उत्तम संधी देईल, तसेच पहिल्या रेसपासून चाहत्यांना त्याचा थरार ट्रॅकवर पाहायला मिळेल.”
सीझन ३ साठी चार श्रेणी असतील: ४५० सीसी इंटरनॅशनल, २५० सीसी इंटरनॅशनल, २५० सीसी इंडिया एशिया मिक्स आणि इंडियन फ्युचर्स – २५० सीसी ग्रुप ‘ए’ फॉरेन बाइक्स ओन्ली. आयएसआरएल सीझन ३ देशांतर्गत टॅलेंटला संधी देणे सुरूच ठेवेल, ज्यामध्ये ‘इंडियन फ्युचर्स’ तसेच ‘२५० सीसी इंडिया एशिया मिक्स’ श्रेणींमध्ये ३० भारतीय रायडर्सची नोंदणी झाली आहे. नवीन ‘इंडियन फ्युचर्स’ श्रेणी विशेषतः उदयोन्मुख भारतीय रायडर्सना आंतरराष्ट्रीय स्तरावरील स्पर्धेत स्वतःचा विकास करण्यासाठी समर्पित व्यासपीठ उपलब्ध करून देईल. ४ नोव्हेंबर २०२६ रोजी होणाऱ्या ऑक्शननंतर सीझन ३ चा थरार १९-२० डिसेंबर २०२६ रोजी सुरू होईल आणि त्यानंतरच्या फेऱ्या २३-२४ जानेवारी २०२७ आणि ६-७ फेब्रुवारी २०२७ रोजी आयोजित केल्या जातील.
