सॅमसंगकडून डिजिटल जनरेशनसाठी नवा धमाका – फेब्रुवारीत येतोय गॅलेक्सी A07 5G
भारतामधील आघाडीचा ग्राहक इलेक्ट्रॉनिक्स ब्रँड Samsung फेब्रुवारीच्या पहिल्या आठवड्यात आपला नवा किफायतशीर 5G स्मार्टफोन गॅलेक्सी A07 5G भारतीय बाजारात दाखल करण्यासाठी सज्ज झाला आहे. ए सिरीजमधील हा नवा स्मार्टफोन खास त्या डिजिटलप्रेमी वापरकर्त्यांसाठी डिझाइन करण्यात आला आहे, ज्यांना ऑनलाइन मनोरंजन, सोशल मीडियावर व्हिज्युअल स्टोरीटेलिंग आणि दिवसभर साथ देणारी बॅटरी एका परवडणाऱ्या डिव्हाइसमध्ये हवी आहे.
कॅमेरामध्ये स्टाईल आणि परफॉर्मन्सचा परफेक्ट मेळ
गॅलेक्सी A07 5G मध्ये आयकॉनिक ट्रॅक कॅमेरा डेकोसह हाय-रिझोल्यूशन ड्युअल कॅमेरा सेटअप देण्यात आला आहे. यामध्ये 50 मेगापिक्सल ऑटोफोकस मेन कॅमेरा आणि 2 मेगापिक्सल डेप्थ कॅमेरा असून, हे कॉम्बिनेशन आकर्षक बोकेह इफेक्टसह स्पष्ट व नैसर्गिक पोर्ट्रेट्स कॅप्चर करते. वाइड-अँगल डिझाइनमुळे सूर्यास्त, शहरातील गजबजलेली दृश्ये किंवा खास क्षण अधिक रंगतदार पद्धतीने टिपता येतात.
सेल्फीप्रेमींसाठी 8 मेगापिक्सल फ्रंट कॅमेरा कमी नॉईजसह सुंदर फोटो आणि व्हिडिओ रेकॉर्डिंगचा अनुभव देतो.
मोठा डिस्प्ले, स्मूथ अनुभव
या स्मार्टफोनमध्ये 6.7-इंचाचा FHD+ डिस्प्ले असून 120Hz रिफ्रेश रेटमुळे स्क्रोलिंग आणि व्हिडिओ पाहण्याचा अनुभव अधिक स्मूथ होतो. 800 निट्सपर्यंत जाणारा हाय-ब्राइटनेस मोड (HBM) प्रखर उन्हातही स्क्रीन स्पष्ट दिसण्याची खात्री देतो. टिकाऊपणासाठी डिस्प्लेला 2-स्टेप टेम्पर्ड ग्लासचे संरक्षण देण्यात आले आहे.
दिवसभर साथ देणारी दमदार बॅटरी
गॅलेक्सी A07 5G मध्ये 6000mAh क्षमतेची बॅटरी असून ती आधीच्या मॉडेल्सच्या तुलनेत सुमारे 20 टक्के अधिक शक्तिशाली आहे. 25W फास्ट चार्जिंग सपोर्टमुळे कमी वेळेत चार्ज होणारी ही बॅटरी यूट्यूब स्ट्रीमिंग, सोशल मीडिया ब्राऊजिंग आणि दैनंदिन वापरासाठी परफेक्ट ठरते. सानुकूल पॉवर मॅनेजमेंटमुळे काम आणि मनोरंजन दोन्ही विनासायास करता येते.
गॅलेक्सी A07 5G ची अधिकृत लाँच तारीख, किंमत आणि खास ऑफर्सबाबतची सविस्तर माहिती लवकरच जाहीर होणार असून, या नव्या 5G स्मार्टफोनसाठी डिजिटल जगतात उत्सुकता शिगेला पोहोचली आहे.
