प्रतिनिधी – मानस, मुंबई : स्मार्टफोन निर्माता शाओमीने भारतीय बाजारपेठेत आपला नवीन प्रीमियम स्मार्टफोन शाओमी 17T आणि शाओमी TV FX मिनी LED मालिका लॉन्च केली आहे. अत्याधुनिक कॅमेरा, शक्तिशाली प्रोसेसर आणि मोठ्या बॅटरीसह सादर करण्यात आलेला हा स्मार्टफोन प्रीमियम ग्राहकांना लक्षात घेऊन विकसित करण्यात आला आहे.
शाओमी 17T च्या 12GB रॅम आणि 256GB स्टोरेज व्हेरिएंटची किंमत 59,999 रुपये ठेवण्यात आली असून, लॉन्च ऑफरअंतर्गत 5,000 रुपयांच्या सवलतीनंतर हा फोन 54,999 रुपयांत उपलब्ध होणार आहे. भारतीय बाजारात त्याची स्पर्धा वनप्लस 15R आणि विवो V70 सारख्या स्मार्टफोन्सशी होणार आहे.
आकर्षक डिझाइन आणि प्रीमियम लूक
शाओमी 17T मध्ये प्रीमियम फिनिश असलेले प्लास्टिक बॉडी डिझाइन देण्यात आले असून ते हातात घेतल्यावर ग्लाससारखा अनुभव देते. फोनची जाडी केवळ 8.17 मिमी असून वजन 201.8 ग्रॅम आहे. हा स्मार्टफोन व्हायलेट, ब्लू आणि ब्लॅक या तीन रंगांमध्ये उपलब्ध असेल.
पंच-होल डिस्प्ले, अतिशय पातळ बेझल्स आणि IP68 रेटिंगमुळे फोनला पाणी व धुळीपासून संरक्षण मिळते.
120Hz AMOLED डिस्प्ले
फोनमध्ये 6.59 इंचाचा 1.5K AMOLED डिस्प्ले देण्यात आला आहे. 120Hz रिफ्रेश रेट, 480Hz टच सॅम्पलिंग रेट आणि 3500 निट्स पीक ब्राइटनेस यामुळे उजेडातही स्क्रीन स्पष्ट दिसते. याशिवाय डॉल्बी व्हिजन, HDR10+ आणि गोरिल्ला ग्लास 7i चे संरक्षण देण्यात आले आहे.
120x AI झूमसह लायका कॅमेरा
फोटोग्राफीसाठी शाओमी 17T मध्ये लायका ऑप्टिक्ससह ट्रिपल रियर कॅमेरा सेटअप देण्यात आला आहे.
- 50MP प्रायमरी कॅमेरा (OIS सपोर्ट)
- 50MP पेरिस्कोप टेलीफोटो कॅमेरा
- 12MP अल्ट्रा-वाइड कॅमेरा
यामध्ये 120x AI झूम, Leica Authentic आणि Leica Vibrant मोड्सचा समावेश आहे. सेल्फी आणि व्हिडिओ कॉलिंगसाठी 32MP फ्रंट कॅमेरा देण्यात आला आहे.
दमदार प्रोसेसर आणि AI फीचर्स
शाओमी 17T मध्ये MediaTek Dimensity 8500 Ultra प्रोसेसर देण्यात आला आहे. LPDDR5X रॅम आणि UFS 4.1 स्टोरेजमुळे फोनची कार्यक्षमता अधिक वेगवान बनते.
हा स्मार्टफोन Android 16 आधारित HyperOS 3 वर चालतो. AI Writing, Circle to Search, Google Gemini यांसारखी आधुनिक AI फीचर्स यामध्ये उपलब्ध आहेत.
6500mAh बॅटरी
फोनमध्ये 6500mAh क्षमतेची मोठी सिलिकॉन-कार्बन बॅटरी देण्यात आली आहे. ती 67W हायपरचार्ज फास्ट चार्जिंग, 50W चार्जिंग आणि 22.5W रिव्हर्स चार्जिंगला सपोर्ट करते. मात्र, बॉक्समध्ये चार्जर अडॅप्टर दिलेला नाही.
कनेक्टिव्हिटी फीचर्स
फोनमध्ये Wi-Fi 6E, Bluetooth 6.0, NFC, eSIM सपोर्ट, ड्युअल स्टिरिओ स्पीकर्स आणि इन-डिस्प्ले फिंगरप्रिंट सेन्सर देण्यात आला आहे. मात्र, 3.5mm ऑडिओ जॅक उपलब्ध नाही.
शाओमी TV FX मिनी LED मालिकेचीही एंट्री
शाओमीने FX मिनी LED टीव्ही मालिका 43, 55, 65 आणि 75 इंच अशा चार आकारांमध्ये सादर केली आहे. QD Mini LED डिस्प्ले तंत्रज्ञान आणि Fire TV इंटिग्रेशन ही या मालिकेची प्रमुख वैशिष्ट्ये आहेत.
मेटल बेझल-लेस डिझाइनमुळे टीव्हीचा स्क्रीन-टू-बॉडी रेशो 97 ते 98 टक्क्यांपर्यंत आहे. कनेक्टिव्हिटीसाठी HDMI, USB, Ethernet, Optical Audio, Headphone Jack आणि Dual-Band Wi-Fi यांसारखे पर्याय देण्यात आले आहेत.
टीव्ही मालिकेची सुरुवातीची किंमत 32,999 रुपये असून लॉन्च ऑफरमध्ये ती 29,999 रुपयांना उपलब्ध होणार आहे. शाओमी 17T ची विक्री 10 जूनपासून तर TV FX Mini LED मालिकेची विक्री 11 जूनपासून सुरू होणार आहे.
