प्रवाशांसाठी मोठी दिलासादायक बातमी…! हिवाळी हंगामात वाढलेल्या गर्दीचा विचार करून पुणे रेल्वे विभागातील तीन विशेष गाड्यांचा कालावधी वाढवण्यात आला आहे. या गाड्यांच्या तब्बल २५ अतिरिक्त फेऱ्या चालवल्या जाणार आहेत.
बिकानेर – साईनगर शिर्डी (04715) ही साप्ताहिक विशेष गाडी पूर्वी 29 नोव्हेंबरपर्यंत चालणार होती. मात्र प्रचंड प्रवासी प्रतिसादामुळे या गाडीचा कालावधी वाढवून 27 डिसेंबरपर्यंत करण्यात आला आहे. तसेच साईनगर शिर्डी – बिकानेर (04716) ही विशेष गाडी आता 28 डिसेंबरपर्यंत धावणार आहे.
अजमेर – दौंड – अजमेर (09625) या साप्ताहिक विशेष गाडीच्या चार अतिरिक्त फेऱ्या वाढवण्यात आल्या असून ही गाडी आता 25 डिसेंबरपर्यंत धावेल. तर दौंड – अजमेर (09626) विशेष गाडीचा कालावधी वाढवून 26 डिसेंबरपर्यंत करण्यात आला आहे.
अजमेर – सोलापूर – अजमेर (09627) या साप्ताहिक विशेष गाडीचा कालावधी वाढवून 31 डिसेंबरपर्यंत करण्यात आला आहे. तर सोलापूर – अजमेर विशेष गाडी (09628) ही पूर्वी 4 जानेवारीला धावणार होती, ती आता थेट 1 जानेवारी 2025 रोजी धावणार आहे.
यामुळे प्रवाशांना प्रवास नियोजनासाठी मोठा दिलासा मिळणार आहे.
