🦠 Corona Alert ! मे महिन्यात रुग्णसंख्येत वाढ, BMC अलर्ट मोडवर!

🦠 Corona Alert ! मे महिन्यात रुग्णसंख्येत वाढ, BMC अलर्ट मोडवर!

मुंबई | 20 मे 2025 – पुन्हा एकदा कोरोनाचा सावट मुंबईवर! मे महिन्यात 53 नवे रुग्ण आढळून आल्याने मुंबई महानगरपालिकेला सतर्क व्हावे लागले आहे. दोन रुग्णांचा मृत्यू झाल्याचेही समोर आले असून, मृत्यूमुखी पडलेल्यांपैकी एकाला कर्करोग, तर दुसऱ्याला नेफ्रोटिक सिंड्रोम होता. हे दोघेही KEM हॉस्पिटलमध्ये उपचार घेत होते.

🌐 परदेशात वाढती रुग्णसंख्या, मुंबईतही दबाव

चीन, सिंगापूर, हाँगकाँग आणि इतर आशियाई देशांमध्ये कोरोनाची संख्या पुन्हा वाढू लागली आहे. त्याचा थेट परिणाम मुंबईवरही दिसू लागला आहे. त्यामुळे महापालिका प्रशासन अलर्ट मोडवर आहे.

🏥 आरोग्य सेवा सज्ज – ‘सेव्हन हिल्स’ आणि ‘कस्तुरबा’ रुग्णालयात 112 खाटांची तयारी

रुग्णसंख्येत वाढ झाल्यास अंधेरीतील सेव्हन हिल्स आणि चिंचपोकळीतील कस्तुरबा रुग्णालयात 112 बेड्स सज्ज ठेवण्यात आले आहेत. तसेच नागरिकांसाठी नवीन खबरदारी नियमावलीही जारी करण्यात आली आहे.

📋 BMC ची नवी नियमावली:

• लक्षणे असल्यास सार्वजनिक ठिकाणी मास्क वापरा

• गर्दी टाळा, सोशल डिस्टन्सिंग पाळा

• साबण-पाण्याने हात वारंवार धुवा

• पोषक आहार आणि पुरेसा आराम घ्या

📢 BMC चे नागरिकांना आवाहन

“भीती नाही, खबरदारी घ्या!”
कोरोनाचे संकट पूर्णपणे संपलेले नाही. त्यामुळे लक्षणे दिसल्यास तपासणी करा आणि इतरांपासून सुरक्षित अंतर ठेवा, असे आवाहन BMC ने केले आहे.

ताज्या अपडेटसाठी संपर्कात राहा आणि आरोग्याची काळजी घ्या!

MumbaiCorona, CovidUpdate, BMCAlert