पुण्यात भाजप आखणार राज्यभरातील निवडणुकीची रणनीती

राज्यात लवकरच निवडणुकींचा माहोल सुरु होणार आहे. भारतीय जनता पक्षाचे नेते देवेंद्र फडणवीस आणि चंद्रकांत पाटील यांनी सोमवारी पुण्यात यासंदर्भात संकेत दिले.

महापालिका, विधनासभा, लोकसभा निवडणुकीचे हे वर्ष आहे, असे चंद्रकांत पाटील म्हणाले होते. तर देवेंद्र फडणवीस यांनी ऑक्टोबर किंवा नोव्हेंबरमध्ये महापालिका निवडणुका लागण्याचे संकेत दिले.

त्याचवेळी पुण्यात भाजप राज्यभरातील निवडणुकीची रणनीती ठरवणार आहे. राज्याच्या कार्यकारणीच्या बैठकीत ही रणनीती ठरणार आहे.

पुणे शहर भाजप राज्य कार्यकारणीची बैठक १८ मे रोजी होणार आहे. या बैठकीत भाजप राज्यभरातील निवडणुकीची रणनीती आखणार आहे.

राज्य कार्यकारणीच्या बैठकीच्या निमित्ताने भाजप इलेक्शन मोडवर आल्याचे दिसून येत आहे. भाजपच्या दोन नेत्यांनी सोमवारी निवडणुकीचे संकेत दिल्यानंतर भाजपने निवडणुकीची तयारी सुरू केल्याचे स्पष्ट होत आहे.

यासंदर्भात १८ तारखेला भाजप प्रदेश कार्यकारणी बैठक पुणे शहरातील बालगंधर्वला होणार आहे. त्यात ही रणनीती ठरवण्यात येणार आहे.

पुणे शहरात होणाऱ्या राज्य कार्यकारणीच्या बैठकीला भाजपचे राष्ट्रीय अध्यक्ष जे पी नड्डा उपस्थित राहणार आहे. यावेळी राज्यातील आमदार आणि खासदारांच्या गटाची ते बैठक घेणार आहे. आगामी महानगरपालिका निवडणूक तसेच येणाऱ्या विधानसभा अन् लोकसभा निवडणुकीच्या निमित्ताने यामध्ये चर्चा होणार आहे. यावेळी राष्ट्रीय अध्यक्ष जे पी नड्डा मंत्री गटाची देखील बैठक घेणार आहे.

हेही वाचा : चाहत्यांना धक्का! गौतमी पाटीलच्या लग्नाचा बार उडणार, कोण आहे नवरदेव?