मुंबई / प्रतिनिधी , ( विलास गुरव) राष्ट्रवादी काँग्रेस पार्टी रत्नागिरी जिल्हाध्यक्ष बाबाजीराव जाधव, चिपळूणचे आमदार शेखर निकम, लांजा – राजापूर विधानसभा मतदारसंघातील अजित यशवंतराव यांच्या उपस्थितीत राजापूर विधानसभा मतदारसंघाची आढावा बैठक महाराष्ट्र राज्याचे विरोधी पक्षनेते मा.श्री.अजितदादा पवार यांच्या देवगीरी या शासकीय निवासस्थानी पार पडली.
या बैठकीमध्ये अजितदादा पवार यांनी मतदारसंघातील विविध विकासकामे, पक्ष संघटना व इतर प्रलंबीत प्रश्न इत्यादी विषयांवर सखोल चर्चा झाली. या चर्चेअंती अजितदादा यांनी सदरचे प्रश्न सोडविण्यासाठी सर्वोतरी मदत करणार असल्याचे जाहीर आश्वासन दिले.
त्याचप्रमाणे आगामी विधानसभा निवडणुकीच्या पार्श्वभूमीवर राजापूर – लांजा विधानसभा मतदारसंघात अधिक जोमाने कामाला लागण्याचे आदेश दिले आहेत. तसेच पक्ष संघटनेत देखील यशवंतराव यांना लवकरच नवीन जबाबदारी देण्यात येईल असे जाहीर केले आहे.
