हिरो मोटोकॉर्प या जगातील दुचाकी आणि स्कूटर्सच्या सर्वात मोठ्या उत्पादक कंपनीने ऑल-न्यू एक्सट्रीम १६०आर ४व्ही आणि रिफ्रेश्ड एक्सट्रीम २५०आर लाँच करत आपल्या प्रीमियम श्रेणीच्या विस्तार योजनेला अधिक गती दिली आहे. या दोन्ही मोटरसायकलींचे लाँच कंपनीच्या प्रीमियम पोर्टफोलिओला अधिक दृढ करण्याच्या दिशेने एक महत्त्वाचे पाऊल आहे. दोन प्रमुख सेगमेंट्समध्ये अधिक आक्रमक स्ट्रीटफायटर स्टाइल, शक्तिशाली कार्यक्षमता आणि रायडर-केंद्रित प्रगत तंत्रज्ञानाचे संयोजन साधण्यात आले आहे.
ऑल-न्यू एक्सट्रीम १६०आर ४व्ही संपूर्ण नवीन डिझाइन आणि अद्ययावत तंत्रज्ञानासह एक्सट्रीम कुटुंबाची लोकप्रियता वाढवते, तर दुसरीकडे रिफ्रेश्ड एक्सट्रीम २५०आर अत्याधुनिक वैशिष्ट्ये, अधिक सुबक फिनिशिंग आणि रायडिंगमधील वैविध्यततेसह स्वतःची परफॉर्मन्स ओळख अधिक दृढ करते. या दोन्ही मोटरसायकल्स ग्राहकांच्या आकांक्षा पूर्ण करणारी, तंत्रज्ञानावर आधारित उत्पादने देण्याच्या आणि प्रीमियम सेगमेंटमधील आपला प्रवास अधिक गतिमान करण्याच्या हिरो मोटोकॉर्पच्या कटिबद्धतेला अधोरेखित करतात.
या लाँचप्रसंगी मत व्यक्त करत हिरो मोटोकॉर्पच्या प्रीमियम सेगमेंटचे चीफ बिझनेस ऑफिसर अनुज दुआ म्हणाले, “प्रीमियम श्रेणीचा विस्तार आमच्या पुढील वाटचालीतील सर्वात मोठी विकासाची संधी आहे. उत्पादनातील वेगळेपण आणि उत्तम रायडिंग अनुभवासह आम्ही या सेगमेंटमधील आमचे स्थान सातत्याने दृढ करत आहोत. एक्सट्रीम फॅमिली हा आमच्या या धोरणाचा महत्त्वाचा आधारस्तंभ आहे.
ऑल-न्यू एक्सट्रीम १६०आर ४व्ही तिच्या सेगमेंटमधील सर्वात वेगवान मोटरसायकल आहे. तसेच संपूर्ण नवीन डिझाइन, या सेगमेंटमध्ये प्रथमच दिलेले क्रूझ कंट्रोल आणि पॅनिक ब्रेक अलर्ट यांसारख्या वैशिष्ट्यांसह ही मोटरसायकल तरुण रायडर्सपर्यंत एक्सट्रीमची विशिष्टता पोहोचवते. तर दुसरीकडे, नवीन लाँच करण्यात आलेली एक्सट्रीम २५०आर राइड-बाय-वायर, चार राइड मोड्स, ट्रॅक्शन कंट्रोल, क्विकशिफ्टर, सेगमेंट-फर्स्ट क्रूझ कंट्रोल, टायर प्रेशर मॉनिटरिंग सिस्टीम आणि ऑटोमोबाइल क्षेत्रातील पहिल्या फ्रिक्वेन्सी सिलेक्टिव्ह डॅम्पिंग सस्पेंशनसह आपल्या सेगमेंटमधील दर्जा आणखी उंचावते. आमच्या १३० पेक्षा जास्त हिरो प्रीमिया स्टोअर्सच्या प्रबळ नेटवर्कच्या माध्यमातून ही उत्पादने जागतिक दर्जाची आणि ग्राहकांच्या आकांक्षा पूर्ण करणारी उत्पादने तयार करण्याची आमची कटिबद्धता सिद्ध करतात.”
ऑल-न्यू एक्सट्रीम १६०आर ४व्ही
२०२३ मधील पदार्पणापासून एक्सट्रीम १६०आर ४व्ही हिरो मोटोकॉर्पच्या प्रीमियम मोटरसायकल पोर्टफोलिओचा महत्त्वाचा आधारस्तंभ राहिली आहे. हे ऑल-न्यू मॉडेल आतापर्यंतचा तिचा सर्वात मोठा आणि परिपूर्ण कायापालट आहे: एक्सट्रीम कुटुंबाचा खराखुरा डीएनए जपणारे संपूर्ण नवीन डिझाइन, या सेगमेंटमधील सर्वोत्तम परफॉर्मन्स आणि अनेक नाविन्यपूर्ण तंत्रज्ञानाचा यात समावेश आहे. एक स्पोर्टी नेकेड मोटरसायकल म्हणून विकसित करण्यात आलेली ही ऑल-न्यू एक्सट्रीम १६०आर ४व्ही अधिक तरुण, मस्क्युलर आणि आक्रमक लूकसह येते, जिला मोठ्या बाइकसारखा दमदार रोड प्रेझेन्स देण्यात आला असून, ज्या रायडर्सना आपल्या बाइककडून रोमांच, वेगळेपण आणि तंत्रज्ञानाची अपेक्षा असते त्यांच्यासाठी ही खास डिझाइन करण्यात आली आहे.
एक्सट्रीम डीएनए, अधिक आक्रमक लूक
ऑल-न्यू एक्सट्रीम १६०आर ४व्ही सायबरशार्प
या आक्रमक डिझाइन लँग्वेजसह येते. यामध्ये अधिक टोकदार टँक श्राउड्स, मस्क्युलर बॉडी आणि रस्त्यावरील प्रबळ उपस्थितीसाठी नव्याने डिझाइन केलेले बॉडीवर्क देण्यात आले आहे. रायडरच्या आरामाचा विचार करून डिझाइन केलेली फ्युएल टँक पायाची (गुडघ्याची) ग्रीप अधिक दृढ करते, तसेच जमिनीवर पाय टेकणेही सहज शक्य करते. यातील प्रगत लाइटिंग पॅकेजमध्ये अॅम्बियंट लाइट सेन्सरसह ऑटो-इल्यूमिनेटिंग क्लास डी फुल-एलईडी हेडलॅम्प, प्रोजेक्टर हाय बीम आणि सिग्नेचर ‘एच‘ आकाराचे डीआरएल दिले आहेत, ज्याला पूरक ‘एच’ आकाराचा एलईडी टेल लॅम्प आणि फुल-एलईडी विंकर्सही मिळतात. तसेच लाल आणि काळ्या रंगातील फ्रंट व्हील रिमचे पर्याय रायडरला आवडीनुसार निवड करण्याची सुविधा देतात.
आपल्या सेगमेंटमधील सर्वात वेगवान
ऑल-न्यू एक्सट्रीम १६०आर ४व्ही मध्ये हिरो मोटोकॉर्पचे १६३ सीसी क्षमतेचे, ४-व्हॉल्व्ह, ऑइल-कूल्ड इंजिन देण्यात आले आहे, जे ८,७५० आरपीएमला १७.१ पीएस कमाल पॉवर आणि ६,५०० आरपीएमला १४.६ एनएम पीक टॉर्क निर्माण करते. याचे शॉर्ट-स्ट्रोक डिझाइन इंजिनला वेगाने रेव्ह करून उच्च पॉवर मिळवून देते, तर फिन्ड ऑइल कुलर लांबच्या वेगवान प्रवासातही इंजिनचे तापमान संतुलित ठेवते. यामुळे ही आपल्या सेगमेंटमधील सर्वात वेगवान मोटरसायकल ठरली आहे, जी फक्त ४.४ सेकंदांत ० ते ६० किमी/तास इतका वेग गाठू शकते. तसेच ही मोटरसायकल या सेगमेंटमध्ये मागील चाकापर्यंत सर्वाधिक पॉवर पोहोचवणारी बाइक ठरते. याशिवाय, ६,००० किमीपर्यंत ऑइल बदलण्याची किंवा टॅपेट सेटिंग करण्याची अजिबात गरज भासत नसल्याने या मोटरसायकलची देखभाल आणि वापरही अधिक सुलभ बनतो.
राइड-बाय-वायर, राइड मोड्स आणि सेगमेंटमधील पहिले क्रूझ कंट्रोल
इलेक्ट्रॉनिक थ्रॉटल कंट्रोल (राइड-बाय-वायर) अचूक, सुरळीत आणि अंदाज घेता येईल असा थ्रॉटल रिस्पॉन्स देते, तसेच याद्वारे तीन राइड मोड्स मिळतात. घसरड्या रस्त्यांसाठी रेन मोड अधिक सौम्य थ्रॉटल रिस्पॉन्स देतो, रोड मोड दैनंदिन प्रवासासाठी संतुलित पॉवर देतो, तर स्पोर्ट मोड थेट आणि आक्रमक थ्रॉटल रिस्पॉन्ससह या मोटरसायकलची खरी ताकद दाखवून देतो. एक्सट्रीम १६०आर ४व्ही तिच्या सेगमेंटमधील पहिली मोटरसायकल आहे, जी क्रूझ कंट्रोलची सुविधा देते, ज्यामुळे रोजचा आणि लांब पल्ल्याचा प्रवास अगदी सहज होतो.
प्रत्येक राइडमध्ये आत्मविश्वास
सर्व प्रकारच्या रस्त्यांवर ब्रेकिंगची स्थिरता आणि वेग नियंत्रणाचा उत्तम समतोल साधण्यासाठी ड्युअल-चॅनेल एबीएस देण्यात आले आहे, जे पुढील २७६ मिमी आणि मागील २२० मिमी पेटल डिस्क ब्रेक्ससह उत्तम काम करते. अचानक जोरदार ब्रेक लावल्यास आजूबाजूच्या वाहनांना सतर्क करून सुरक्षितता वाढवणारे पॅनिक ब्रेक अलर्ट या सेगमेंटमधील पहिले वैशिष्ट्य देखील या मोटरसायकलमध्ये सादर करण्यात आले आहे. सस्पेंशनसाठी पुढील बाजूस ३७ मिमीचे केवायबी अपसाइड-डाउन फोर्क्स आणि मागील बाजूस ७-स्टेप प्रीलोड-अॅडजस्टेबल मोनोशॉक दिले आहेत, जे आरामदायी आणि स्थिर प्रवासाची खात्री देतात. रुंद १३०/७० आर१७ मागील टायर्ससह रेडिअल ट्यूबलेस टायर्स वळणावर उत्कृष्ट ग्रीप आणि सुरक्षिततेचा विश्वास देतात.
ऑल-न्यू टीएफटी कन्सोल आणि रायडर-केंद्रित आरामदायीपणा
नवीन टीएफटी कन्सोल आपोआप ब्राइटनेस अॅडजस्ट करतो आणि त्यावर राइड मोड्स, गिअर शिफ्ट इंडिकेटरसह गिअर पोझिशन, क्रूझ कंट्रोल स्टेटस, डिस्टन्स-टू-एम्प्टी आणि रिअल-टाइम मायलेज दिसते. ब्लूटूथ कनेक्टिव्हिटीमुळे कॉल व मेसेज अलर्ट, म्युझिक कंट्रोल, फोनची बॅटरी लेव्हल आणि टर्न-बाय-टर्न नेव्हिगेशनची सुविधा मिळते. बॅकलिट स्विचेस, इंटिग्रेटेड किल-स्टार्ट स्विच, हॅझार्ड लाइट्स, क्रूझ कंट्रोल बटणे आणि टाइप-सी फास्ट चार्जर प्रवासातील सोय अधिक वाढवतात. ५-स्टेप अॅडजस्टेबल ब्रेक आणि क्लच लीव्हर्स रायडरला स्वतःच्या सोयीनुसार सेट करता येतात. रायडिंगची सुधारित पोझिशन, आरामदायक सीट आणि जमिनीवर पाय टेकण्याची सुलभ रचना यामुळे प्रवास अधिक सुखकर होतो. सीटची लांबी १६ मिमीने वाढवून ६४२.९ मिमी करण्यात आली असून सिंगल आणि स्प्लिट-सीटचे पर्याय उपलब्ध आहेत.
रिफ्रेश्ड एक्सट्रीम २५०आर
रिफ्रेश्ड एक्सट्रीम २५०आर शक्तिशाली कार्यक्षमता, प्रगत तंत्रज्ञान, अधिक अचूक ड्रायव्हिंग डायनॅमिक्स आणि प्रीमियम डिझाइन व फिनिशिंगसह २५० सीसी परफॉर्मन्स सेगमेंटमधील दर्जा आणखी उंचावते. रेसिंग ट्रॅकवरून प्रेरित तंत्रज्ञान, उत्तम नियंत्रण आणि दैनंदिन वापराची सुलभता यांचा संगम साधत ही मोटरसायकल थरारक आणि परिपूर्ण रायडिंगचा अनुभव देते.
अधिक बोल्ड स्टाइल, सुबक फिनिशिंग
गोल्ड अॅनोडाइज्ड फ्रंट फोर्क्स, कार्बन-फायबर हायड्रो-डिप्ड पॅनेल्स, रिम टेप्ससह रंगीत रिम्स, आधुनिक ग्राफिक्स आणि एम्बॉस्ड डिटेलिंगसहर ही मोटरसायकल आपला आक्रमक स्ट्रीटफायटर लूक आणखी उठावदार करते. मागील सस्पेंशनवरील एफएसडी ब्रँडिंग तिच्या परफॉर्मन्सची स्वतंत्र ओळख अधोरेखित करते. ५० हून अधिक फिट आणि फिनिश सुधारणांसह ही मोटरसायकल उत्तम फिनिशिंग असलेले सुटे भाग, ब्रेडेड केबल्स आणि नवीन स्विंगआर्म टेल कव्हरद्वारे अधिक प्रीमियम अनुभव देते.
डायनॅमिक परफॉर्मन्स
नवीन एक्सट्रीम २५०आर मध्ये विश्वासार्ह २५० सीसी, लिक्विड-कूल्ड, ४-व्हॉल्व्ह डीओएचसी इंजिन देण्यात आले आहे, जे ९,२५० आरपीएममध्ये ३० पीएस कमाल पॉवर आणि ७,५०० आरपीएममध्ये २५.३ एनएम टॉर्क निर्माण करते. २५० सीसी सेगमेंटमध्ये हा सर्वाधिक टॉर्क आहे. फक्त ३.२ सेकंदांत ० ते ६० किमी/तास इतका वेग गाठणारी ही तिच्या सेगमेंटमधील सर्वात वेगवान मोटरसायकल ठरते.
अतिशय सहज रायडिंग अनुभव
नवीन एक्सट्रीम २५०आर मध्ये या सेगमेंटमधील पहिले क्रूझ कंट्रोल सादर करण्यात आले आहे. यामुळे रायडर्सना सतत थ्रॉटल धरून न ठेवता ठरवलेल्या वेगाने गाडी चालवता येते, ज्यामुळे आराम वाढतो आणि थकवा कमी होतो. या अनुभवाला अधिक समृद्ध करण्यासाठी हिरो मोटोकॉर्पचे पहिले सेन्सरलेस बाय-डायरेक्शनल क्विकशिफ्टर देण्यात आले आहे. यामुळे थ्रॉटल बंद न करता किंवा क्लच न दाबता थेट गिअर अप आणि डाऊन करता येतात, ज्यामुळे ट्रॅकवर जलद गतीने गिअर बदलणे शक्य होते आणि लांबच्या प्रवासातही थकवा जाणवत नाही.
संपूर्ण नियंत्रणासाठी प्रगत रायडर एड्स
या मोटरसायकलमध्ये आता चार राइड मोड्स देण्यात आले आहेत. रायडिंगमधील वैविध्यततेच्या दृष्टीने ही तिच्या सेगमेंटमधील सर्वोत्तम सुसज्ज मोटरसायकल ठरली आहे. हे मोड्स वेगवेगळ्या परिस्थितीनुसार आणि आवडीनुसार ट्यून करण्यात आले आहेत. ओल्या आणि घसरड्या रस्त्यांसाठी रेन मोड नियंत्रित पॉवर देतो, रोजच्या वापरासाठी रोड मोड संतुलित परफॉर्मन्स देतो, वेगाचा आनंद घेण्यासाठी स्पोर्ट मोड मोटरसायकलचा रिस्पॉन्स अधिक आक्रमक करतो, तर रेस ट्रॅकवर पूर्ण ताकद वापरण्यासाठी ट्रॅक मोडची सुविधा मिळते. तसेच, टायर प्रेशर मॉनिटरिंग सिस्टीम (टीपीएमएस) टायर्सचा प्रत्यक्ष दाब आणि तापमान दर्शवते, तसेच हवेचा दाब खूप जास्त किंवा कमी झाल्यास कलर-कोडेड अलर्ट्सद्वारे सूचना देते.
फ्रिक्वेन्सी सिलेक्टिव्ह डॅम्पिंग सस्पेंशन: आराम आणि नियंत्रणाचा संगम
दुचाकी उद्योगात प्रथमच यामध्ये फ्रिक्वेन्सी सिलेक्टिव्ह डॅम्पिंग (एफएसडी) रिअर सस्पेंशन देण्यात आले आहे. यातील अतिरिक्त एफएसडी पिस्टन रस्त्यावरील खड्यांच्या तीव्रतेनुसार दोन वेगवेगळ्या रिबाउंड डॅम्पिंग प्रोफाइल्स उपलब्ध करून देतो. याचा परिणाम म्हणजे, खराब रस्त्यांवरही धक्के जाणवत नाहीत आणि वळणांवरही टायरची रस्त्यावरील पकड घट्ट राहून अचूक नियंत्रण मिळते. यातील मजबूत ट्रेलीस फ्रेम आणि ४३ मिमी यूएसडी फ्रंट फोर्क्स चपळ आणि अचूक हँडलिंग कायम ठेवतात.
स्मार्ट टीएफटी कन्सोल आणि कनेक्टिव्हिटी
नवीन फुल-कलर टीएफटी इन्स्ट्रुमेंट क्लस्टर सहज वाचता येईल अशा आकर्षक इंटरफेसवर सर्व आवश्यक माहिती दाखवतो. यात रायडर्स इन-बिल्ट लॅप टायमर आणि ड्रॅग टायमरचाही वापर करू शकतात. ब्लूटूथ कनेक्टिव्हिटीद्वारे कॉल व मेसेज अलर्ट, फोनची बॅटरी लेव्हल आणि टर्न-बाय-टर्न नेव्हिगेशनची माहिती थेट कन्सोलवर दिसते. नवीन सॉफ्ट-टच स्विचेसमुळे प्रत्येक फंक्शन रायडरला सहपजणे उपलब्ध होते, ज्यामध्ये स्वतंत्र मोड सिलेक्टर, इंटिग्रेटेड किल-स्टार्ट स्विच, हॅझार्ड लाइट्स आणि क्रूझ कंट्रोल स्विचेसचा समावेश आहे.
रंग, किमती आणि उपलब्धता
ऑल-न्यू एक्सट्रीम १६०आर ४व्ही तीन व्हेरिएंट्समध्ये उपलब्ध आहे. त्यांच्या किमती पुढीलप्रमाणे आहेत: स्टँडर्ड – १,२७,००० रुपये; प्रो – १,३७,००० रुपये आणि कार्बन – १,४१,००० रुपये (एक्स-शोरूम, दिल्ली). ही मोटरसायकल देशभरातील हिरो मोटोकॉर्प आणि हिरो प्रीमिया डीलरशिप्सवर उपलब्ध असेल.
रिफ्रेश्ड एक्सट्रीम २५०आर कार्बन रेड, कार्बन व्हाइट आणि कार्बन ब्लॅक या तीन रंगांच्या पर्यायांमध्ये उपलब्ध आहे. या मोटरसायकलची किंमत १,९८,००० रुपये (एक्स-शोरूम, दिल्ली) आहे आणि देशभरातील केवळ हिरो प्रीमिया डीलरशिप्सवर उपलब्ध असेल.
या दोन्ही मोटरसायकल्सचे बुकिंग १७ ऑक्टोबर २०२६ पासून सुरू होत असून १ नोव्हेंबर २०२६ पासून ग्राहकांना डिलिव्हरी मिळण्यास सुरुवात होईल.
