ॲबाक्‍कस म्युच्युअल फंडने ५,००० कोटी रुपये एयूएमचा आणि १ लाख युनिक गुंतवणूकदारांचा टप्पा गाठला

पुणे, मे १४, २०२६: ॲबाक्‍कस म्युच्युअल फंडने त्यांच्या  व्यवस्थापनाखालील मालमत्तेत (एयूएम)* ५,००० कोटी रुपयांचा महत्त्वपूर्ण टप्पा ओलांडला आहे. फंड हाऊसने नमूद केले आहे की, एकूण युनिक गुंतवणूकदारांची संख्या १ लाखांच्या पुढे गेली आहे, ज्‍यामधून गुंतवणूकदार आणि वितरण भागीदारांचा वाढता विश्वास दिसून येतो.

ॲबाक्‍कस म्युच्युअल फंडने डिसेंबर २०२५ मध्ये आपली पहिली योजना लाँच केली होती. फ्लेक्सी कॅप फंड श्रेणीतील त्यांच्या पहिल्या इक्विटी ऑफरला न्यू फंड ऑफर (एनएफओ) दरम्यान २,४६८ कोटी रुपयांचा चांगला प्रतिसाद मिळाला. सध्या हे फंड हाऊस फ्लेक्सी कॅप फंड आणि स्मॉल कॅप फंड या श्रेणींमधील दोन इक्विटी योजनांसह लिक्विड फंड व्यवस्थापित करते. ८ मे २०२६ पर्यंत फंड हाऊसचे एकूण एयूएम ५,४८२ कोटी रुपये* आहे, ज्यामध्ये २,००१ ठिकाणे आणि ९,५७३ पिन कोडमधील १,००,७०२ हून अधिक गुंतवणूकदारांचा समावेश आहे.

श्री. सुनिल सिंघानिया यांनी स्थापन केलेला ॲबाक्‍कस म्युच्युअल फंड बाजारपेठेतील सखोल अनुभव आणि शिस्तबद्ध, संशोधन-आधारित गुंतवणूक दृष्टिकोनाला एकत्र आणतो. पोर्टफोलिओची रचना आणि शेअर्सची निवड ॲबाक्‍कसच्या गुंतवणूक तत्त्वज्ञानानुसार आणि त्यांच्या वैशिष्ट्यपूर्ण मीट्स (MEETS) फ्रेमवर्कद्वारे केली जाते, जे या फंड हाऊसच्या गुंतवणूक प्रक्रियेचा दृढ पाया आहेत. गुंतवणूक टीमचे सखोल ज्ञान, अनुभव आणि संशोधन क्षमता यामुळे ही प्रक्रिया अधिक प्रबळ होते.

डिसेंबर २०२५ मध्ये फंड हाऊसची पहिली योजना लाँच झाल्यापासून सातत्यपूर्ण वाढ, गुंतवणूकदार आणि वितरण भागीदारांचा वाढता विश्वास दिसून येतो. ॲबाक्‍कस म्युच्युअल फंडच्या आतापर्यंतच्या प्रवासात हा विश्वास अत्यंत मुलभूत आणि महत्त्वाचा ठरला आहे.

या टप्प्याबद्दल मत व्‍यक्त करत ॲबाक्‍कस म्युच्युअल फंडचे सीईओ श्री. वैभव चुघ म्हणाले, “इतक्या कमी कालावधीत १ लाखांहून अधिक युनिक गुंतवणूकदारांसह ५,००० कोटी रुपयांच्या एयूएमचा टप्पा ओलांडणे, हे आमच्यासाठी विनम्र करणारे आणि तितकेच उत्साहवर्धक आहे. या यशामधून गुंतवणूकदार आणि वितरण भागीदारांनी आमच्यावर दाखवलेला विश्वास आणि आत्मविश्वास दिसून येतो.”

आम्ही या सहयोगाला महत्त्व देतो आणि हा विश्वास दीर्घकाळ जोपासण्यासाठी व अधिक दृढ करण्यासाठी कटिबद्ध आहोत. सर्व गुंतवणूकदार स्तर आणि भौगोलिक क्षेत्रांमधील आमची वाढ, तसेच भागीदारांचा प्रबळ सहभाग हे आमच्या व्यवसायाचे आणि दीर्घकालीन दृष्टिकोनाचे मुख्य आधारस्तंभ आहेत.

पुढे वाटचाल करत आमची व्याप्ती वाढवणे, आमचे भागीदार नेटवर्क अधिक सखोल करणे आणि विविध गुंतवणूक गरजांसाठी उपयुक्त असा वैविध्यपूर्ण उत्पादनांचा संच तयार करणे यावर आमचे लक्ष असेल. तसेच, आम्‍ही तंत्रज्ञानाचा स्वीकार करून भविष्यासाठी सज्ज राहण्यासाठी आणि दीर्घकालीन भागीदारी निर्माण करण्यासाठी कटिबद्ध आहोत, पण हे करत असताना आम्‍ही आमच्या गुंतवणुकीच्या मूळ तत्त्वांशी नेहमी प्रामाणिक राहू.”