पुणे : लाइफ सायन्सेस कंपन्यांसाठी व्यवस्थापन आणि तंत्रज्ञान सल्लागार क्षेत्रातील जागतिक स्तरावरील अग्रणी कंपनी स्वित्झर्लंडमधील टेन्थपिन मॅनेजमेंट कन्सल्टंट्सने आज पुण्यात सेंटर फॉर लाइफ सायन्सेस क्लाऊड सोल्यूशन्स सुरू करण्याची घोषणा केली. या माध्यमातून लाइफ सायन्सेस व्यवसायात परिवर्तन घडवून आणण्यासाठी क्लाऊड आणि कृत्रिम बुद्धिमत्ता (एआय) आधारित सोल्यूशन्सना समर्पित ग्लोबल सेंटर ऑफ एक्सलन्सची स्थापना करण्यात आली आहे.
या केंद्राचे ध्येय म्हणजे फार्मास्युटिकल, मेडटेक, बायोटेक, हेल्थकेअर, अ‍ॅनिमल हेल्थ आणि सीडीएमओसाठी भविष्यासाठी तयार क्लाउड सोल्यूशन्स विकसित करणे आणि आणि उपयोगात आणणे हे या केंद्राचे ध्येय आहे., जेणेकरून त्यांना विशिष्ट अनुपालन आणि जीवन विज्ञान उद्योगाशी संबंधित बारकावे हाताळण्यास मदत होईल, ज्यामुळे नियामक अनुपालन, रिअल-टाइम अंतर्दृष्टी, निर्बाध डेटा एकत्रीकरण आणि जागतिक मूल्य साखळीमध्ये वर्धित सहकार्य शक्य होईल. यामुळे लाईफ सायन्सेस कंपन्यांना प्रगतीला गती मिळेल आणि रुग्णांचे निकाल सुधारता येतील. हे क्लाउड सोल्यूशन्स नवीन थेरपीज, बायोटेक आणि अॅडव्हान्स्ड थेरप्युटिक मेडिसिनल प्रोडक्ट्स, नवीन इंटरनेट ऑफ मेडिकल थिंग्ज (आयओएमटी) तसेच सीडीएमओच्या पुढील पिढीमध्ये विशेषतः प्रासंगिक होत आहेत.
बाणेर येथील या अत्याधुनिक केंद्राचे उद्घाटन टेन्थपिनचे संस्थापक आणि कार्यकारी मंडळाचे सदस्य श्री. मायकल श्मिट यांनी केले. यावेळी पार्टनर आणि की अकाउंट डिलिव्हरी लीड स्टेफनी मार्क्स आणि टेन्थपिन इंडियाचे पार्टनर आणि व्यवस्थापकीय संचालक श्री. सचिन भुरे उपस्थित होते.
याप्रसंगी बोलताना मायकल श्मिट म्हणाले, “पुण्यात आमच्या नवीन कार्यालयाचे उद्घाटन हा टेन्थपिनच्या जागतिक विकासाच्या प्रवासातील एक महत्त्वाचा टप्पा आहे. जगभरातील आमच्या लाईफ सायन्स क्लायंटसाठी नाविन्यपूर्ण, उच्च-गुणवत्तेचे उपाय देण्यात पुण्याची महत्त्वाची भूमिका आहे. एसएपी बॅच रिलीज हब (बीआरएच), एसएपी इंटेलिजेंट क्लिनिकल सप्लाय मॅनेजमेंट (आयसीएसएम), आणि एसएपी सेल अँड जीन ट्रीटमेंट ऑर्केस्ट्रेशन (सीजीटीओ) आणि आमच्या स्वतःच्या एआय-आधारित,जीएक्सपीसाठी सज्ज टेन्थपिन सॉफ्टवेअर सोल्यूशन्समधील सखोल कौशल्यासह, या केंद्रामुळे लाईफ सायन्स उद्योगात डिजिटल परिवर्तनाला गती देण्याची आमची क्षमता बळकट होईल.”
ते पुढे म्हणाले, “भारतातील आमच्या टीममधून उत्कृष्टता, नावीन्य आणि भागीदारीबद्दलची आमची कटिबद्धता दिसून येते. एसएपी एस/४एचएएलन ट्रान्सफॉर्मेशन्स आणि लाईफ सायन्सेस क्लाऊड सोल्यूशन्ससाठी टेन्थपिन जागतिक मापदंड स्थापन करीत राहील, याची ते हमी देईल.”
टेंथपिनच्या पार्टनर स्टेफानी मार्क्स म्हणाल्या,”भारतातील आमच्या उपस्थितीच्या विस्तारातून टेन्थपिनचा भारतीय प्रतिभा आणि नवोपक्रमाच्या सामर्थ्यावरील दृढ विश्वास अधोरेखित होतो. भारत हा आमच्या जागतिक वितरण मॉडेलचा आधारस्तंभ असल्याचे सिद्ध झाले आहे. अपवादात्मक कौशल्य, तांत्रिक उत्कृष्टता आणि गुणवत्तेसाठी सखोल कटिबद्धता यांचा त्यात मिलाफ झाला आहे. या पावलासह, आम्ही जगभरातील आमच्या लाईफ सायन्सेस ग्राहकांना उच्च मूल्याच्या सेवा आणि पुढील पिढीचे डिजिटल उपाय प्रदान करण्याची आमची क्षमता आणखी बळकट करत आहोत.”
टेन्थपिन सोल्यूशन्स ही टेन्थपिन समूहातील कंपनी असून तीसुद्धा भारतात विस्तार करत आहे. पुण्यातील हे नवीन केंद्र नवोपक्रमासाठी जागतिक केंद्र म्हणून काम करेल.
लाईफ सायन्सेस कंपन्यांना जटिलता सुलभ करण्यास, नियमांचे पालन करण्यास आणि वेगाने विकसित होत असलेल्या डिजिटल परिसंस्थेत कार्यक्षमतेने वृद्धिंगत होण्यास मदत करणाऱ्या पुढील पिढीतील क्लाऊड-आधारित उत्पादने आणि प्रवेगकांना (अॅक्सीलेटर्स) ते अधिक बळकटी देईल. हे केंद्र भारतातील लाईफ सायन्सेसच्या प्रगतीला चालना देण्यासाठी स्थानिक संशोधन संस्था, विद्यापीठे आणि उद्योग भागीदारांशीही सहयोग करेल.
टेन्थपिनचे भागीदार आणि भारतातील व्यवस्थापकीय संचालक श्री. सचिन भुरे म्हणाले, “स्थानिक प्रतिभेच्या मदतीने भारतीय लाईफ सायन्सेस कंपन्यांना नाविन्यपूर्णतेमध्ये जागतिक आघाडी घेण्यास मदत करण्याचे आमचे उद्दिष्ट आहे. पुण्यात जागतिक दर्जाचे प्रतिभावंत असून या प्रतिभा आणि व्यावसायिकांच्या वाढीमुळे बाजारपेठ आणि नवोपक्रमाची गती मोठ्या प्रमाणात वाढेल. पुढील एका वर्षात भारतातील सर्व ठिकाणी आमच्या सध्याच्या टीमच्या दुप्पट विस्तार करण्याची आमची योजना आहे.”
टेन्थपिनचे संस्थापक आणि कार्यकारी मंडळाचे अध्यक्ष श्री. जर्गेन बाउर म्हणाले, “पुण्यात आमचे नवीन कार्यालय स्थापन करणे हे केवळ विस्तारापेक्षा अधिक काही आहे. ही भविष्यातील लाईफ सायन्सेस नवोपक्रमात केलेली गुंतवणूक आहे. जागतिक लाईफ सायन्सेस संस्थांनी त्यांचे व्यवसाय कसे चालवावे,याची नव्याने व्याख्या करण्याच्या टेन्थपिनच्या ध्येयाशी भारतातील असामान्य प्रतिभा आणि सखोल तंत्रज्ञानकौशल्य पूर्णपणे जुळते. बंगळुरू आणि हैदराबादमधील आमच्या टीमसह, आमची पुणे टीम जगभरातील आमच्या क्लायंटसाठी बुद्धिमान, नियमपालन करणाऱ्या आणि परिवर्तनकारी उपाय सह-निर्मितीच्या केंद्रस्थानी असेल. केवळ उत्कृष्टता प्रदान करत नाही तर आमच्या क्लायंट आणि भागीदारांसाठी सहकार्य, सर्जनशीलता आणि दीर्घकालीन मूल्य देखील वाढवते, असे केंद्र बांधताना आम्हाला आनंद होत आहे.”
