पुणे, २४ ऑगस्ट २०२६ : भारतातील लोकप्रिय स्पोर्ट्स मोटरसायकल ब्रँड असलेल्या पल्सरला २५ वर्षे पूर्ण झाल्याच्या औचित्याने बजाज ऑटो लिमिटेडने नवी पल्सर १५० आणि पल्सर १२५ बाजारात आणली आहे. कामगिरी, आक्रमक डिझाइन आणि बिनधास्त अंदाज ही पल्सरची ओळख कायम ठेवत या दोन्ही मोटरसायकलींमध्ये अत्याधुनिक इंजिनिअरिंग, तंत्रज्ञान आणि नवीन फीचर्सचा समावेश करण्यात आला आहे.
२००१ मध्ये पहिली पल्सर बाजारात दाखल झाल्यापासून गेल्या २५ वर्षांत या ब्रँडने भारतीय मोटरसायकलिंगची व्याख्याच बदलली. मोटरसायकल ही केवळ दैनंदिन प्रवासाचे साधन न राहता परफॉर्मन्स, स्टाइल आणि व्यक्तिमत्त्व व्यक्त करण्याचे माध्यम ठरू शकते, हे पल्सरने भारतीय रायडर्सना दाखवून दिले. आजवर जगभरातील ४० हून अधिक देशांमध्ये २ कोटींपेक्षा अधिक पल्सर मोटरसायकलींची विक्री झाली आहे.
नव्या पल्सर १५० आणि पल्सर १२५मध्ये मस्क्युलर टँक, दमदार डिझाइन, खास इंजिन आवाज, जलद पिकअप आणि रस्त्यावर लक्ष वेधून घेणारा अंदाज ही पल्सरची वैशिष्ट्ये कायम ठेवण्यात आली आहेत. त्याचबरोबर इंजिन, गिअरबॉक्स, फ्रेम, सस्पेन्शन आणि इलेक्ट्रॉनिक्समध्ये महत्त्वपूर्ण बदल करण्यात आले आहेत.
नवे इंजिन आणि गिअरबॉक्स
दोन्ही मॉडेल्समध्ये पूर्णपणे नवे इंजिन आणि गिअरबॉक्स देण्यात आले आहेत. या श्रेणीत प्रथमच PVD पिस्टन रिंग्सचा वापर करण्यात आला आहे. त्यामुळे घर्षण कमी होऊन इंजिनचे आयुष्य आणि NVH कामगिरी सुधारण्यास मदत होते.
पल्सर १५०मध्ये १४९.५ सीसी इंजिन असून ते ८,५०० आरपीएमवर १४ पीएस पॉवर आणि ६,५०० आरपीएमवर १३.७ एनएम टॉर्क निर्माण करते. तर पल्सर १२५मध्ये १२४.५८ सीसी इंजिन असून ८,००० आरपीएमवर १२ पीएस पॉवर आणि ६,००० आरपीएमवर ११ एनएम टॉर्क मिळतो. सुधारित पॉवर-टू-वेट रेशोमुळे ० ते ६० किमी प्रतितास वेग अधिक जलद गाठता येतो.
नव्या गिअरबॉक्समुळे कमी गिअर्समध्ये अधिक ट्रॅक्टिव्ह एफर्ट मिळत असल्याने कमी वेगातही दमदार परफॉर्मन्स अनुभवता येतो.
नवी फ्रेम आणि मोनोशॉक सस्पेन्शन
मोटरसायकलवरील नियंत्रण आणि स्थिरता वाढवण्यासाठी दोन्ही मॉडेल्समध्ये मजबूत डायमंड-टाइप फ्रेम देण्यात आली आहे. इंजिनचा वापर फ्रेमला अधिक भक्कमपणा देणारा घटक म्हणून करण्यात आला आहे.
याशिवाय नायट्रोजन गॅस-चार्ज्ड इमल्शन-टाइप मोनोशॉक सस्पेन्शन देण्यात आले आहे. त्यामुळे स्पोर्टी राइडिंग, सरळ रस्त्यांवरील स्थिरता आणि वळणांवरील नियंत्रणात सुधारणा होते.
५-इंच TFT कन्सोल आणि Google Maps
नव्या पल्सरमध्ये ५-इंच TFT कन्सोल हे महत्त्वाचे आकर्षण आहे. Google Maps मिररिंग आणि सहज वापरता येणाऱ्या नॅव्हिगेशन सुविधेमुळे रायडर्सना प्रवास अधिक सोयीस्कर होणार आहे.
कन्सोलमध्ये वाहनाचे RC, इन्शुरन्स आणि इतर महत्त्वाची कागदपत्रे साठवण्याची सुविधाही देण्यात आली आहे. याशिवाय कॉल आणि मेसेजचे लाइव्ह अलर्ट तसेच म्युझिक कंट्रोल्स उपलब्ध आहेत.
तीन राइड मोड्स आणि Crawl Tech
या सेगमेंटमध्ये प्रथमच रोड, रेन आणि स्पोर्ट असे तीन राइड मोड्स देण्यात आले आहेत. रस्त्याची आणि हवामानाची परिस्थिती लक्षात घेऊन रायडिंगचा अनुभव बदलता येतो.
ट्रॅफिकमध्ये कमी वेगात मोटरसायकल हाताळणे अधिक सोपे व्हावे यासाठी Crawl Tech देण्यात आले आहे. त्यामुळे गर्दीच्या रस्त्यांवर अधिक चांगले नियंत्रण आणि सहज राइडिंगचा अनुभव मिळतो.
आक्रमक Wolf-Eye LED हेडलॅम्प
नव्या पल्सरमध्ये नव्याने डिझाइन केलेला Wolf-Eye LED हेडलॅम्प देण्यात आला आहे. मोठ्या ऑप्टिक्समुळे मोटरसायकलला अधिक धारदार आणि आक्रमक लूक मिळतो. पल्सर १५०च्या टॉप व्हेरिएंटमध्ये अधिक विस्तृत आणि तीव्र प्रकाशझोत देण्यात आला आहे.
ISGमुळे अधिक सोयीस्कर राइडिंग
पल्सर १५० आणि पल्सर १२५च्या टॉप तीन व्हेरिएंट्समध्ये Integrated Starter Generator (ISG) देण्यात आले आहे. ऑटोमॅटिक स्टार्ट-स्टॉप फीचरमुळे इंधन बचतीस मदत होते. यांत्रिक रचना अधिक सोपी केल्याने राइडिंगचा अनुभवही अधिक सहज आणि आरामदायी होतो.
‘Definitely Daring’ ओळख कायम
बजाज ऑटो लिमिटेडच्या टू-व्हीलर बिझनेस युनिटचे चीफ बिझनेस ऑफिसर सारंग कानडे म्हणाले, “गेल्या २५ वर्षांहून अधिक काळ पल्सर ही केवळ मोटरसायकल राहिलेली नाही. रायडर्सच्या अनेक पिढ्यांना परफॉर्मन्सचा पहिला अनुभव पल्सरने दिला आहे. मस्क्युलर टँक, इंजिनचा खास आवाज, वेग वाढवतानाचा थरार आणि दुर्लक्ष करता न येणारा बिनधास्त अंदाज ही पल्सरची ओळख ठरली आहे. पल्सर नेहमीच ‘Definitely Daring’ राहिली आहे.”
ते पुढे म्हणाले की, नव्या पल्सर १५० आणि पल्सर १२५मध्ये ब्रँडची खास ओळख कायम ठेवतानाच इंजिनिअरिंग आणि तंत्रज्ञान नव्याने विकसित करण्यात आले आहे. आजच्या रायडर्सच्या गरजा लक्षात घेऊन पल्सरला नव्या स्वरूपात सादर करण्यात आले आहे.
लाँच किंमत
नवी पल्सर १५० रु. १,१५,२३३ या खास लाँच किमतीत, तर पल्सर १२५ रु. ९२,९०० या खास लाँच किमतीत उपलब्ध होणार आहे. या किमती एक्स-शोरूम दिल्ली आहेत.
२५ वर्षांचा वारसा आणि नव्या पिढीचे तंत्रज्ञान यांची सांगड घालत नव्या पल्सर १५० आणि पल्सर १२५च्या माध्यमातून बजाज ऑटोने स्पोर्ट्स मोटरसायकल सेगमेंटमधील आपली आघाडी आणखी मजबूत करण्याचा प्रयत्न केला आहे.
