नाशिक : भोंदू बाबा अशोक खरात प्रकरणाने राज्यभर खळबळ उडाली असून, या प्रकरणात सामाजिक कार्यकर्त्या तृप्ती देसाई (Trupti Desai) यांनी थेट उडी घेतली आहे. त्या आज मिरगाव येथे दौरा करत असून, खरातच्या फार्महाऊससह ईशान्यश्वर मंदिरातील कथित ‘काळोख्या खोली’ची पाहणी करणार आहेत. या भेटीनंतर मोठे गौप्यस्फोट होण्याची शक्यता व्यक्त केली जात आहे.
प्रकरणातील प्रमुख मुद्दे :
मिरगाव दौरा आज : तृप्ती देसाई मिरगाव येथे जाऊन अशोक खरातच्या ठिकाणांची प्रत्यक्ष पाहणी करणार.
काळोख्या खोलीची चौकशी : ईशान्यश्वर मंदिरातील एका खोलीचा महिलांच्या शोषणासाठी वापर झाल्याचा गंभीर आरोप.
फार्महाऊस तपासणी : खरातच्या फार्महाऊसचीही पाहणी करून पुरावे तपासले जाणार.
गावात दहशतीचे वातावरण : स्थानिक नागरिक भयभीत; अनेकांनी देसाईंना मदतीसाठी संपर्क केल्याची माहिती.
गंभीर आरोप : महिलांचे शोषण, जमीन बळकावणे आणि गुन्हेगारी रॅकेट चालवल्याचे आरोप.
परदेशात पळण्याचा कट : १२ मार्च रोजी ऑस्ट्रेलियाला पळून जाण्याची तयारी असल्याचा दावा.
हत्यांचा संशय : काही लोक बेपत्ता असून हत्येचाही संशय व्यक्त.
राजकीय वाद पेटला : रुपाली चाकणकर आणि रुपाली पाटील यांच्यावर देसाई यांची टीका.
राजीनाम्याची मागणी : महिला आयोगाच्या अध्यक्षा रुपाली चाकणकर यांच्या राजीनाम्याची मागणी.
सुनेत्रा पवार यांची भेट : पुढील कारवाईसाठी लवकरच भेट घेणार असल्याची घोषणा.
तृप्ती देसाई यांनी स्पष्ट केले की, “मी स्वतः त्या ठिकाणांची पाहणी करून सत्य बाहेर आणणार आहे.” या दौऱ्यानंतर प्रकरणात आणखी धक्कादायक माहिती समोर येण्याची शक्यता असून, संपूर्ण राज्याचे लक्ष या घडामोडीकडे लागले आहे.
