तुम्ही स्मार्टफोन खरेदी करण्याचा विचार करत असाल तर ही बातमी आधी वाचा. भारतात Redmi Note 15 5G ची किंमत लाँचिंगपूर्वी लीक झाली आहे. Redmi Note 15 5G हा फोन 6 जानेवारीला लाँच केला जाऊ शकतो. यात स्नॅपड्रॅगन 6 जेन 3 प्रोसेसर आणि 108MP कॅमेरा मिळेल.
Xiaomi भारतीय बाजारात आपला पुढील मिड-रेंज स्मार्टफोन Redmi Note 15 5G लाँच करण्याच्या तयारीत आहे. 6 जानेवारीला होणाऱ्या लाँच इव्हेंटपूर्वी या फोनची किंमत ऑनलाइन लीक झाली आहे. या फोनमध्ये 108MP कॅमेरा आणि स्नॅपड्रॅगन 6 Gen 3 प्रोसेसर मिळेल. याशिवाय फोनमध्ये 5,520mAh ची मोठी बॅटरी मिळेल.
Redmi Note 15 5G ची लीक किंमत
टिप्सटर अभिषेक यादवच्या मते, Redmi Note 15 5G ची सुरुवातीची किंमत भारतात सुमारे 22,999 रुपये असू शकते. 8 GB रॅम प्लस 128 GB स्टोरेजच्या फोनची किंमत आहे. तर 8 GB रॅम प्लस 256 GB स्टोरेजच्या फोनची किंमत 24 हजार 999 रुपये आहे. याक्षणी शाओमीने या किंमतींची अधिकृतपणे पुष्टी केलेली नाही.
6 जानेवारी रोजी लाँच इव्हेंट होणार
Xiaomi ने आपल्या अधिकृत भारतीय वेबसाइटवर Redmi Note 15 5G साठी मायक्रोसाइट लाइव्ह केली आहे. यामुळे फोनचा लाँच इव्हेंट 6 जानेवारीला होणार असल्याची पुष्टी करण्यात आली आहे. कंपनी यासोबत Redmi Note 15 Pro किंवा Pro+ मॉडेल भारतात लाँच करेल की नाही हे अद्याप स्पष्ट झालेले नाही.
प्रोसेसर आणि बॅटरीला मिळणार पॉवर
Redmi Note 15 5G क्वालकॉम स्नॅपड्रॅगन 6 Gen 3 चिपसेटद्वारे समर्थित असेल. कंपनीचा दावा आहे की, हा प्रोसेसर चांगल्या सीपीयू आणि जीपीयू परफॉर्मन्ससह दीर्घ काळासाठी स्मूथ एक्सपीरियंस देईल. फोनमध्ये 5,520mAh ची मोठी बॅटरी मिळेल जी 45W फास्ट चार्जिंगला सपोर्ट करेल. शाओमीच्या मते, हा फोन एका चार्जवर सुमारे 1.6 दिवस टिकू शकतो.
कॅमेरा, डिस्प्ले आणि मजबुती
फोटोग्राफीसाठी, Redmi Note 15 5G मध्ये 108MP प्रायमरी रियर कॅमेरा मिळेल, ज्यामध्ये OIS आणि 4K व्हिडिओ रेकॉर्डिंग सपोर्ट असेल. फोनमध्ये 6.77-इंच कर्व्ड AMOLED डिस्प्ले असेल, जो 120Hz रिफ्रेश रेट आणि 3,200 nits पीक ब्राइटनेसला सपोर्ट करेल. याशिवाय फोनला IP66 रेटिंग देखील मिळेल, जे धूळ आणि पाण्याच्या शिंतोड्यांपासून सुरक्षित ठेवेल.
