💥 “पैसे नको… मला तूच पाहिजे!” वरिष्ठ अधिकाऱ्याचा विकृत हट्ट; मानसिक छळाला कंटाळून नर्सची विषप्राशन करून आत्महत्येचा प्रयत्न

गडचिरोली जिल्ह्यात धक्कादायक घटना उघडकीस! उपकेंद्रात कार्यरत असलेल्या ४५ वर्षीय कंत्राटी परिचारिकेने वरिष्ठ अधिकाऱ्याच्या अश्लाघ्य मागण्या आणि दोन वर्षांपासून जाणीवपूर्वक रोखून धरलेल्या वेतनवाढीच्या त्रासाला कंटाळून विष प्राशन करून आत्महत्येचा प्रयत्न केला. शनिवारी (६ डिसेंबर) रात्री ही घटना घडली असून, सध्या परिचारिका जिल्हा रुग्णालयात उपचाराधीन आहे. तिची प्रकृती गंभीर आहे.

📌 प्रेमासाठी दबाव?

परिचारिकेच्या पतीचा सनसनाटी आरोप — वरिष्ठ अधिकारी वारंवार “पैसे नाही… मला तूच पाहिजे” असा दबाव आणत होता. अश्लील चॅटिंगचे स्क्रीनशॉट्स समोर आल्यानंतर आरोग्य विभागात एकच खळबळ!

📌 घटनेची मालिका

कर्तव्य संपवून घरी परतलेल्या परिचारिका रात्री तणावात दिसत होत्या. जेवणानंतर पती झोपताच त्यांनी विषारी द्रव प्राशन केले. कुटुंबियांनी योग्य वेळी रुग्णालयात हलवल्याने जीव वाचला.

📌 कंत्राटी महिला कर्मचाऱ्यांचा प्रश्न पुन्हा ऐरणीवर

वेतनश्रेणी रोखून मानसिक छळ करणे आणि ‘मागण्या’ मान्य न केल्यास कारवाईची धमकी — अशा पद्धतीने उपकेंद्रातील कर्मचारी वेठीस धरले जात असल्याची चर्चा.

घटनेनंतर रविवारी (७ डिसेंबर) जिल्हा परिषद CEO सुहास गाडे आणि जिल्हा आरोग्य अधिकारी डॉ. प्रताप शिंदे यांनी रुग्णालयात धाव घेऊन पतीशी सविस्तर माहिती घेतली. मात्र विभागाकडून अजूनही अधिकृत निवेदन नाही.

“परिचारिका बोलण्याच्या स्थितीत नाही. जबाब घेतलेला नाही. पतीने तक्रार दिल्यास पुढील कारवाई केली जाईल,” — पोलीस निरीक्षक विनोद चव्हाण

🔴 घटनामुळे कंत्राटी महिला कर्मचाऱ्यांच्या सुरक्षेवर मोठे प्रश्नचिन्ह उभे

आरोग्य विभागातील अशा प्रकारच्या वर्तणुकीवर आता कठोर कारवाईची मागणी जोर धरत आहे.