LPG Cylinder Price : एलपीजी सिलिंडर स्वस्त! पाहा आजचे नवे दर
नवी दिल्ली : नोव्हेंबर महिन्याच्या सुरुवातीला व्यावसायिक एलपीजी (LPG) सिलिंडरच्या दरात कपात करण्यात आली आहे. आंतरराष्ट्रीय बाजारातील घडामोडींमुळे हा निर्णय घेण्यात आला असून, बिहार विधानसभा निवडणुकीच्या पार्श्वभूमीवर या बदलाला विशेष महत्त्व प्राप्त झाले आहे.
तेल विपणन कंपन्यांनी १९ किलोग्रॅमच्या व्यावसायिक स्वयंपाक गॅस सिलिंडरच्या किमतीत कपात केली आहे. मात्र, १४.२ किलोग्रॅमच्या घरगुती सिलिंडरच्या दरात कोणतीही वाढ किंवा कपात करण्यात आलेली नाही.
✅ व्यावसायिक सिलिंडरचे नवे दर
ऑक्टोबरमध्ये वाढ झाल्यानंतर आता व्यावसायिक एलपीजी सिलिंडर ५ रुपयांनी स्वस्त झाला आहे.
-
दिल्ली : ५ रुपये घट → नवीन दर ₹1,590.50
-
मुंबई : ५ रुपये घट → नवीन दर ₹1,542
-
कोलकाता : ४.५० रुपये घट → नवीन दर ₹1,694
-
चेन्नई : ४.५० रुपये घट → नवीन दर ₹1,750
याआधी ऑक्टोबरमध्ये दिल्लीमध्ये व्यावसायिक सिलिंडरची किंमत १५.५० रुपयांनी वाढली होती.
