Local Body Election : महाराष्ट्रात महानगरपालिका आणि स्थानिक स्वराज्य संस्थांच्या निवडणुकांचा माहोल रंगू लागला आहे. निवडणुका कधीही जाहीर होण्याची शक्यता असल्याने इच्छुक उमेदवारांकडून जोरदार तयारी आणि पक्षातील वरिष्ठांकडे लॉबिंग सुरू आहे.
याचदरम्यान राज्य निवडणूक आयोगाने उमेदवारांसाठी महत्त्वाचा निर्णय घेत निवडणुकीतील खर्चमर्यादा दीडपट वाढवण्याचा निर्णय घेतला आहे. वाढती महागाई, मतदारसंख्या आणि विविध खर्चांचा विचार करून हा निर्णय घेण्यात आला आहे. त्यामुळे प्रचारात उमेदवारांना अधिक आर्थिक मोकळीक मिळणार आहे.
🔹 नवी खर्चमर्यादा किती?
पूर्वी—
-
जिल्हा परिषद : ₹6 लाख
-
महापालिका : ₹10 लाख
आता—
महापालिकांमध्ये वर्गवारीनुसार खर्च ठरवण्यात आल्याने मर्यादा ₹9 लाख ते ₹15 लाख दरम्यान असेल.
🔹 कोणत्या शहरासाठी किती खर्च?
🏙️ महापालिका
-
मुंबई, पुणे, नागपूर – ₹15 लाख
-
पिंपरी-चिंचवड, नाशिक, ठाणे – ₹13 लाख
-
कल्याण-डोंबिवली, छत्रपती संभाजीनगर, नवी मुंबई, वसई-विरार – ₹11 लाख
-
D वर्गातील 19 महापालिका – ₹9 लाख
🔹 नगरपरिषद
A वर्ग
-
नगरसेवक : ₹5 लाख
-
थेट नगराध्यक्ष : ₹15 लाख
B वर्ग
-
नगरसेवक : ₹3.5 लाख
-
नगराध्यक्ष : ₹11.25 लाख
C वर्ग
-
नगरसेवक : ₹2.5 लाख
-
नगराध्यक्ष : ₹7.5 लाख
🔹 नगरपंचायत
-
नगरसेवक : ₹2.25 लाख
-
नगराध्यक्ष : ₹6 लाख
राज्यातील स्थानिक स्वराज्य संस्थांच्या निवडणुकांची घोषणा कधीही होऊ शकते. आयोगाच्या या निर्णयामुळे उमेदवारांना प्रचाराची तयारी अधिक जोमाने करता येणार आहे.
