👨🏻‍🏫 ५२ हजार २७६ शिक्षकांसाठी मोठा निर्णय, अशंत: अनुदानावरील शाळांना २० टक्के वाढीव टप्पा अनुदान मंजूर

🤗 राज्यातील अंशत: अनुदानित शाळांना सरकारने मोठा दिलासा दिला आहे. १ ऑगस्टपासून २०% वाढीव टप्पा अनुदान मंजूर करण्यात आले असून यामुळे ५२ हजार २७६ शिक्षक व शिक्षकेतर कर्मचाऱ्यांना फायदा होणार आहे. या निर्णयामुळे शाळांच्या आर्थिक व्यवस्थेत सुधारणा होणार असून शिक्षकांना वेळेवर लाभ मिळणार आहेत.

📌 किती शाळा अन्‌ तुकड्यांना अनुदान…

🏫 २०% अनुदानावर – २०७९ शाळा व १५,८५९ कर्मचारी → ३०४ कोटी रुपये

🏫 ४०% अनुदानावर – १७८१ शाळा व १३,९५९ कर्मचारी → २७६ कोटी ५२ लाख रुपये

🏫 ६०% अनुदानावर – १८९४ शाळा व १९,७४४ कर्मचारी → ३४१ कोटी ५८ लाख रुपये

📝 महत्त्वाच्या अटी

सरकारने अनुदानासोबत काही अटी लागू केल्या आहेत. विद्यार्थ्यांची आणि शिक्षक-शिक्षकेतर कर्मचाऱ्यांची उपस्थिती आता बायोमेट्रिक पद्धतीने नोंदवणे बंधनकारक असेल. तसेच, तीन महिन्यांचा डिजिटल रेकॉर्ड ठेवणे आवश्यक आहे. या अटींचे पालन न करणाऱ्या शाळांचे अनुदान थांबवण्याचा अधिकार शिक्षण आयुक्तांना दिला आहे.

👨🏻‍🏫 शिक्षकांना दिलासा

या निर्णयामुळे हजारो शिक्षक-शिक्षकेतर कर्मचाऱ्यांना आर्थिक स्थैर्य मिळेल. शाळांचे कामकाज अधिक पारदर्शक होईल आणि शिक्षण व्यवस्थेला गती मिळणार आहे.