सामाजिक कार्यकर्त्या रुमाना अली यांची पुणे शहर भारतीय जनता पक्षाच्या अल्पसंख्यक आघाडीच्या महिला सरचिटणीस पदी निवड करण्यात आली.भाजपचे पुणे शहर अल्पसंख्यक आघाडी प्रमुख इम्तियाज मोमीन यांच्या उपस्थितीत त्यांचे शनिवार, १९ ऑक्टोबर रोजी सायंकाळी ४ वाजता कोंढवा येथे झालेल्या कार्यक्रमात पक्षात स्वागत करण्यात आले.
सुफी पीर संप्रदायचे प्रतिनिधी खाजा इकबाल,मौलाना ईद्रीस कारी,सतपाल पारगे, इसाक पानसरे , तौफिक शेख, नितीन बोके, नुरजहा शेख, समीर पठाण उपस्थित होते. सिटी लॉन, पारगे नगर येथे हा कार्यक्रम शनिवार, १९ ऑक्टोबर रोजी सायंकाळी झाला.
नागरिक अधिकार मंच च्या वतीने देखील त्यांचा सत्कार करण्यात आला.सामाजिक, राजकीय क्षेत्रातील मान्यवर उपस्थित होते. ‘भाजपचे ध्येय धोरणाना अनुसरून आगामी काळात कार्यरत राहणार असल्याचे रुमाना अली यांनी सांगितले.भाजपा सर्व तळागाळातील कार्यकर्त्यांना घेऊन सामाजिक प्रगती करीत आहे. भाजपावर सर्वांचा विश्वास वाढत आहे’,असे मनोगत इम्तियाज मोमीन यांनी व्यक्त केले.
