स्प्लिट्सविला 14 ची विजेती सुन्दूस मौफकीर ‘खतरों के खिलाडी 13’च्या धाडसी वीरांच्या संचात दाखल मनाचा थरकाप उडवणारा थरार बघण्यासाठी सज्ज व्हा, कारण कलर्सवर भारताचा लाडका स्टंट-आधारित रियालिटी शो ‘खतरों के खिलाडी’ आपली 13 वी आवृत्ती घेऊन दणक्यात पुनरागमन करत आहे. यावेळी नवीन थीम आणि नवीन आव्हानांसह हा शो आणखीनच मोठा, जबरदस्त आणि धाडसांनी भरलेला असणार आहे. हा शो त्यातील स्पर्धकांना एका अविस्मरणीय प्रवासाला घेऊन जाईल. खतरनाक साहसांसाठी आपल्या मनाची तयारी करा कारण, विविध क्षेत्रातून आलेले धाडसी स्पर्धक अत्यंत भयानक परिस्थितीचा सामना करताना दिसणार आहेत. या दंगलीत आता सामील होत आहे स्प्लिट्सविला 14 ची विजेती आणि ऱ्होडीज 18 मध्ये सहभागी झालेली सुन्दूस मौफकीर. जी आता खतरों के खिलाडी 13 मध्ये स्वतःची क्षमता सिद्ध करण्यास आणि आपल्या धैर्याची मोठी कसोटी देण्यास सज्ज झाली आहे. हा अभूतपूर्व रोमांच अनुभवण्यासाठी तुम्ही तयार आहात ना?
खतरों के खिलाडी 13 मध्ये दाखल होत असल्याचा आनंद व्यक्त करताना सुन्दूस म्हणते, “मला वाटते की माझे आत्तापर्यंतचे संपूर्ण आयुष्य मी खतरों के खिलाडी 13 साठी तयारी केली आहे. भितीवर मात केल्याच्या काही वीररसपूर्ण घटना या शो मध्ये घडल्या आहेत. अशा स्पर्धकांसोबत स्पर्धा करण्यासाठी मी उत्सुक आहे, ज्यांना आपल्या शारीरिक सहनशक्तीच्या क्षमता वाढवायच्या आहेत. स्प्लिट्सविला आणि ऱ्होडीजमधल्या प्रवासात मी बरेच काही शिकले आहे, ज्याचा उपयोग मला या शो मध्ये नक्की होईल. इतर धाडसी वीरांसोबत हा रोमांचक प्रवास सुरू करण्यास मी उत्सुक आहे.”
‘खतरों के खिलाडी 13’ लवकरच येत आहे, कलर्सवर
