सातारा, सप्टेंबर २०२३: श्री. फारोख एन. कूपर व त्यांच्या कुटुंबीयांनी चांद्रयान-३ मोहिमेच्या यशानंतर साताऱ्याची ओळख राष्ट्रीय आणि आंतरराष्ट्रीय स्तरावर उंचावण्यासाठी केलेल्या प्रयत्नांची दखल घेऊन राज्यसभेचे खासदार छ. उदयनराजे भोसले आणि त्यांच्या सहकार्यांनी कूपर परिवाराचे अभिनंदन केले. चांद्रयान – 3 मोहिमेसाठी क्रँकशाफ्टचा एक महत्त्वाचा भाग तयार केल्याबद्दल कूपर कॉर्पोरेशनचे कौतुक केले जात आहे.
छ. उदयनराजे भोसले, खासदार – राज्यसभा म्हणाले, “चांद्रयान-3 मोहिमेतील कूपर कॉर्पोरेशनच्या योगदानाच्या अभूतपूर्व यशामुळे कूपर कॉर्पोरेशन आणि त्यांच्या सदस्यांना केवळ गौरवच मिळालेला नाही, तर साताऱ्याचे नाव ही उच्च स्थानावर पोहोचले आहे. राष्ट्रीय आणि आंतरराष्ट्रीय स्तरावर गेल्या 56 वर्षांपासून, कूपर कॉर्पोरेशन सातारा बाहेर ही कार्यरत आहे आणि राष्ट्रीय आणि आंतरराष्ट्रीय स्तरावर आपली उत्पादने आणि सेवा प्रदान करत आहे. साताऱ्याचा नावलौकिक वाढविण्याचे त्यांचे समर्पण अतूट राहिले आहे.
अलीकडील चांद्रयान मोहिमेतील, विशेषत: क्रँकशाफ्टच्या निर्मितीमधील त्यांच्या महत्त्वपूर्ण भूमिकेमुळे कूपर नावाला पुन्हा जागतिक मान्यता मिळाली आहे, ही सातारा आणि भारत दोघांसाठीही अभिमानाची बाब आहे. ”श्री. फारोख एन. कूपर, अध्यक्ष आणि व्यवस्थापकीय संचालक, कूपर कॉर्पोरेशन प्रा. लि. म्हणाले, “आम्हाला इस्रोच्या चांद्रयान -3 मोहिमेसाठी क्रॅंकशाफ्टच्या महत्त्वाच्या घटकाची विनंती प्राप्त झाली, जी आमच्या टीमने डिझाइन आणि प्रदान केली. चांद्रयान मोहिमेचा एक भाग म्हणून आम्ही नवीन उंची गाठली आहे आणि साताऱ्याचे नाव पुन्हा एकदा आंतरराष्ट्रीय स्तरावर आणण्यात कूपर कुटुंबियांना संधी मिळाली आहे. आज, या मिशनच्या यशस्वी परिणामामुळे आम्ही आनंदी आहोत आणि आमच्या कर्मचार्‍यांचे समर्पण आणि कठोर परिश्रम आमच्या विजयाचा आधारस्तंभ आहे. आमच्या कर्मचार्‍यांचे यश हेच आमचे यश आहे.” त्यांनी असेही उघड केले की त्यांची कंपनी सध्या भारतीय सैन्याच्या टँकरसाठी स्वतंत्र घटक तयार करत आहे व राष्ट्रीय प्रगतीसाठी त्यांची वचनबद्धता सुरू ठेवत आहे.
आनंदाने आणि हर्षाने भरलेल्या क्षणा`त छ.उदयनराजे भोसले यांनी श्री. फारोख एन. कूपर यांच्या पत्नी श्रीमती माहरुख कूपर यांच्याशी संवाद साधला आणि त्यांना कौतुकाचे प्रतीक म्हणून एक सुंदर पुष्पगुच्छ भेट दिला. कार्यक्रमास भाजपा सातारा जिल्हाध्यक्ष धैर्यशील कदम, माजी शिक्षण मंडळ अध्यक्ष सुनील काटकर, विठ्ठल बलशेटवार, अ‍ॅड. आदी मान्यवर उपस्थिती होते.
