टेलिव्हिजनवरील लोकप्रिय अभिनेत्री रूही चतुर्वेदी आणि अंजुम फकीह ‘खतरों के खिलाडी 13’ मध्ये आपल्यातील भीतीचा सामना करण्यासाठी सज्ज आहेत! मनात धडकी भरवणारा थरार बघण्यासाठी सज्ज व्हा, कारण कलर्सवर भारताचा लाडका स्टंट-आधारित रियालिटी शो ‘खतरों के खिलाडी’ आपली 13 वी आवृत्ती घेऊन दणक्यात पुनरागमन करत आहे. यावेळी नवीन थीम आणि नवीन आव्हानांसह हा शो आणखीनच मोठा, जबरदस्त आणि धाडसी असणार आहे. हा शो त्यातील स्पर्धकांना एका अविस्मरणीय प्रवासाला घेऊन जाईल. खतरनाक साहसांसाठी आपल्या मनाची तयारी करा कारण, विविध क्षेत्रातून आलेले धाडसी स्पर्धक अत्यंत भयानक परिस्थितीचा सामना करताना दिसणार आहेत. या दंगलीत आता सामील होत आहेत अभिनेत्री रूही चतुर्वेदी आणि अंजुम फकीह. या दोघी आता खतरों के खिलाडी 13 मध्ये स्वतःची क्षमता सिद्ध करण्यास आणि आपल्या धैर्याची मोठी कसोटी देण्यास सरसावल्या आहेत. हा अभूतपूर्व रोमांच अनुभवण्यासाठी तुम्ही तयार आहात ना?
आत्तापर्यंत कथा-आधारित मालिकांमधून अभिनय करून प्रेक्षकांचे मनोरंजन करणाऱ्या अभिनेत्री अंजुम फकीहची निडर बाजू आता बघायला मिळणार आहे. पहिल्यांदाच ती कोणत्याही रियालिटी शोमध्ये दिसणार आहे. त्याबाबतचा उत्साह व्यक्त करताना अंजुम म्हणते, “खतरों के खिलाडी 13 च्या संचात दाखल होणे हा माझ्यासाठी खूप आनंददायक अनुभव आहे. स्वतःच्या कम्फर्ट झोनमधून बाहेर पडून रियालिटी टेलिव्हिजन विश्वाचा धांडोळा घेण्याची माझी ही पहिलीच वेळ आहे. एक अभिनेत्री म्हणून उत्कृष्ट परफॉर्मन्स देण्यासाठी मी स्वतःला नेहमी पुढे रेटत असते आणि आता माझी शारीरिक आणि मानसिक क्षमता मी जोखणार आहे. या शोमधली आव्हाने खूप भयंकर असतात आणि मला कल्पना आहे की ही वाट माझ्यासाठी सोपी नसणार आहे. पण मला माझ्या ताकदीची जाणीव असल्याने मी चांगली स्पर्धा करू शकेन हा विश्वास मला आहे आणि मी जिंकण्यासाठी सर्वस्व पणाला लावेन. माझ्यातील भीतीचा सामना करण्यासाठी मी सज्ज आहे आणि माझ्या सह-स्पर्धकांकडून शिकण्यासाठी आणि मोठी होण्यासाठी या अद्भुत संधीचा मी उपयोग करून घेईन.
भारतीय टेलिव्हिजनवर आपल्या उत्तम अभिनयाबद्दल ओळखली जाणारी रूही चतुर्वेदी देखील आपल्या कक्षा अधिक विस्तारून खतरों के खिलाडी 13 मध्ये आपल्यातील भीतीला तोंड देण्यासाठी सरसावली आहे. आपली धाडसी बाजू दाखवण्याची ही संधी आहे असे मानणारी रूही म्हणते, “मला अॅडव्हेंचर स्पोर्ट्स पहिल्यापासून आवडतात. पण मनातून भीती वाटत असल्याने मी कधी त्यात सहभागी झाले नाही. जेव्हा खतरों के खिलाडी 13 मध्ये सामील होण्याची संधी चालून आली, तेव्हा मला वाटले की, ही संधी मी स्वीकारायलाच हवी. या शोमधली आव्हाने फार भयंकर असतात आणि ती मनात धडकी भरवतात. मी या आव्हानांचा सामना करण्यासाठी सज्ज झाले आहे. माझ्यासाठी हा प्रवास अविस्मरणीय असणार आहे. आणि मी माझ्याकडून सगळे प्रयत्न करणार आहे. टास्क कितीही कठीण असला, तरी हा अनुभव स्वतःसाठी आणि प्रेक्षकांसाठी संस्मरणीय करण्याचे मी मनाशी पक्के केले आहे.”
‘खतरों के खिलाडी 13’ लवकरच येत आहे, कलर्सवर
